Uhuru Kenyatta wabaye Perezida wa Kenya ubu akaba afite inshingo zo gukurikirana ibibazo by’imitwe yitwaje intwaro iri mu burasirazuba bwa Repubulika Iharanira Demokarasi ya Congo, yageze mu mujyi wa Goma ubura gato ngo ugwe mu maboko ya M23.
Umunyamakuru wacu uri Goma avuga ko Nyakubahwa Kenyatta yageze ku kibuga cy’indege cya Goma saa Saba z’amanwa Aho yakiriwe na Lt.Gen Ndima Consta usanzwe ari Guverineri wa Kivu ya Ruguru.
Biteganyijwe ko Bwana Kenyatta agirana ibiganiro n’abayobozi b’inzego z’ibanze bo muri Kivu y’Amajyaruguru ndetse n’Abami gakondo bo muri ibi bice mu rwego rwo gusasa inzobe ku bibazo bituma hakomeza kuvuka imitwe yitwaje intwaro.
Biravugwa ko Uhuru Kenyatta azakomereza mu mujyi wa Bunagana aho azabonana n’abayobozi b’umutwe wa M23.
Ally MWIZERWA
RWANDATRIBUNE.COM
