Imirwano yongeye kubura hagati ya M23 na FARDC ndetse inyeshyamba za FDLR zongera kwinjira muri iyi ntambara ku ruhande rwa FARDC kugira ngo zitange inyunganizi kuri FARDC.
Izi nyeshyamba zigera kuri 200 zinjiriye, ahitwa Rugari ni muri Gurupoma ya Rugali,Teritwari ya Nyiragongo muri Kivu y’Amajyaruguru . Abo barwanyi bari bitwaje intwaro zikomeye bahawe na FARDC, ngo zibafashe gusubiza inyuma , Umutwe wa M23 ubarembeje no gukumira uyu mutwe kugira ngo utabasha kwinjira mu duce twa Karengera na Rubare.
Izi nyeshyamba zinjiye muri uru rugamba ku mugoroba wo kuri uyu wa 24 Ukwakira ahagana mu masaa kumi n’igice(16H30).
Si ubwa mbere izi nyeshyamba zitabajwe na Leta ya Congo kuko kuva kubwa Mobutu zaritabajwe ndetse no mu ntambara iheruka yahuje ingabo za Leta n’izi nyeshyamba , hitabajwe izi nyeshyamba zirwanya Leta y’u Rwanda.
Izi nyeshyamba ziyobowe na Lt Col Guillaume zitezweho ko zizasubiza inyuma inyeshyamba za M23, nyamara no mu mirwano iherutse, M23 ubwo yacakiranaga na FDLR hamwe na FARDC, bataye ibirindiro byabo barihungira,aho bari bari hasigara mu maboko ya M23.
Umuhoza Yves
