Col Iyamuremye Theoneste wari Umuyobozi mukuru mu biro(Dir Cab) bya Gen Habimana Hamada yatorokanye amafranga ya FLN yigira muri Zambiya.
Amakuru ava muri Teritwari ya Fizi ahitwa,muri Kivu y’amajyepfo,Repubulika iharanira demokarasi ya Congo,aremeza ko Col Iyamuremye Theoneste yatorokanye amafaranga ya FLN agahungira mu gihugu cya Zambia.
Ibisanzwe uyu Col Maisha akaba yari amaze iminsi atunvikana na Gen.Hamada bapfa ko we na Col.Kanyoni baba bakoresha umutungo wa FLN nk’akarima kabo,ndetse bakarya bonyine ntibagire icyo bamuhereza,ikindi ngo haba hari amafaranga Gen.Hamada aherutse guhabwa na RNC,biciye kuri Gen.Jeva ayo mafaranga,uyu Col.Maisha aza kumenya ko yakoreshejwe na bariya bagabo,bityo akaza gufata icyemezo cyo gutorokana ayo yarabitse.
Bamwe mu mboni za Rwandatribune.com bari muri Zambia,ntibarabona gihamya cy’uko uyu mugabo usanzwe akekwaho ibyaha bya Jenoside yakorewe abatutsi yaba yahungiye muri Zambiya,gusa ngo yaba afite imiryango myinshi iri muri icyo gihugu,ndetse na Mozambike.
Bimaze iminsi muri uyu mutwe harimo ikibazo cyo kutunvikana ku mikoreshereze y’umutungo cyane ko ihuriro MRCD UBUMWE ryirukanye ishyaka CNRD UBWIYUNGE muri iri huriro,udufaranga twavagamo tw’imisanzu tukabura ubu buri wese akaba ari gusama aye.
Kugeza ubu NCRD FLN ikaba yaratangiye imishikirano byimbitse n’umutwe wa RNC ya Kayumba Nyamwasa,ndetse na FNL PARPEHUTU ya Gen Nzabampema urwanya Leta y’uBurundi,iyi mitwe ikaba irikwifashisha Col.Nyamusaraba ahitwa mu Bijabo kugirango bakore undi mutwe w’abarwanyi,nyuma y’uko uwari ukuriwe na Maj.Mudasiru wakubiswe inshuro na FARDC.
Hategekimana Claude
