Umutwe wa M23 wamaze kugota umujyi wa Sake uherereye mu birometero icumi winjira mu mujyi wa Goma
Isoko ya Rwandatribune iri mu gca ka mu Bambiro yemeje aya makuru ivuga ko mu masaha ya saa moya abarwanyi ba M23 bitwaje intwaro zikomeye babashije kugera rwagati mu mujyi wa Sake nyuma y’imirwano yari imaze iminsi ica ibintu muri ako gace.
Ababyiboneye n’amaso bavuga ko ihuriro ry’imitwe ya FARDC,FDLR,Wazalendo,MONUSCO ,SADC na Wagner bananiwe guhagarika umuvuduko w’abarwanyi ba M23.
Umwe mu bakoreshya imbuga nkoranyambaga muri Congo akaba n’umuhezanguni wo mu mitwe ya Wazalendo Jules Mulumba ,abicishije kuri twiter yavuze ko ababajwe n’ifatwa rya Katsiro na Sake ,ndetse akaba ashinja ingabo za FARDC uburangare.
Jules Mulumba kandi yemeje ko inyeshyamba za M23 zabashije kwigarurira uduce twa Tuwonane na Karenga ,ubwo twandikaga iyinkuru hari andi makuru yavugaga ko abarwanyi ba Wazalendo n’Ingabo z’uBurundi zirikwikusanyiriza mu gace ka Minova kugirango zigabe ibitero I Shasha.
Mwizerwa Ally
Rwandatribune.com
