Bamwe mu bayoboke bakomeye mu ishyaka UDPS rya Félix Tshisekedi, batangiye kuyoboka Alliance Fleuve Congo, ya Corneille Nangaa.
Abo mu ishyaka riri ku butegetsi rya UDPS muri Repubulika ya demokarasi ya Congo, nabo batangiye kwinjira mw’ihuriro ry’imitwe ya politike n’igisirikare, rya AFC, ya Corneille Nangaa, iri Huriro rikomeje kwigamba ko rigamije gushyira iherezo ubutegetsi bwa Perezida Félix Tshisekedi.
Bwana Jean Claude Wakantsha, kw’ikubitiro niwe wamaze kuba umwe mu bagize Alliance Fleuve Congo, AFC mu magambo ahinye, nk’uko byatangajwe nanyiri bwite abinyujije ku rubuga rwe rwa Tik Tok na Youtube.
Jean Claude Wakantsha yari Umuhuzabikorwa w’ishyaka UDPS mu gihugu cya CANADA yahamije ko ubu ari ku ruhande rwa colneille Nanga ukuriye ihuriro rya muri Alliance Fleuve Congo (AFC) ya Corneille Nangaa.
Bwana Jean Claude yagize ati: Uyu ni umwaka mwiza kuri Congo n’Abanyekongo kugira ngo bibohore,ndakangurira Abanyekongo bose kumenya ko iki ari igihe cyabo cyo kugana Ihuriro Alliance Fleuve Congo kuko ariryo gakiza.
Kwinjira kwa Bwana Jean Claude Wakantsha kubayeho mu gihe ubutegetsi bwa Kinshasa bwarimo bushinja ishyaka rya PPRD kuba abayoboke baryo bari kwiyunga muri Alliance Fleuve Congo, ibyo ubuyobozi bwa PPRD bwabyamaganye buvuga ko no muri UDPS bishobora kubageraho.
Mwizerwa Ally
