Breaking News:Uburozi muri FDLR bwongeye kuri koroza Col.Giyome n’indembe

Lt.Col Giyome Komanda wungirije Col.Ruhinda muri CRAP amaze iminsi ari muri koma kubera amarozi Gen.Omega yongeye kwikomwa

Ni amakuru dukeshya isoko y’amakuru ya Rwandatribune iri ahitwa iMiandja muri Gurupoma ya Masisi,muri Kivu y’amajyaruguru,aho amakuru aturuka muri ako gace avuga hasize icyumweru Lt.Col Giyome Umuyobozi wa CRAP wungirije ari muri koma ndetse bakavuga ko ari agatima gatera kuko ubuzima bwe buri muri marembera.

Uyu Col.Giyome niwe Komanda wungirije muri CRAP akaba ari we nimero ya kabri kuri Col.Ruhinda,akaba by’umwihariko yari ashinzwe amasomo ya gikomando mu kigo cya FDLR kiri ahitwa Muheto,Col Giyome kandi niwe wari ukuriye ibikorwa by’ubugizi bwa nabi bwibasiye ,cyane ubujura bw’inka z’abatutsi b’abanyekongo mu gace ka Bwiza,Masisi Mushaki n’ahandi,ndetse bikavugwa ko arizo nyirabayazana yatumye ahabwa amarozi nabo bakorana.

Isoko y’amakuru ya Rwandatribune ivuga ko mu kwezi kwa Mutarama na Gashyantare 2023,abarwanyi ba FDLR CRAP basahuye inka zirenga ibihumbi 2000  mu bice bya Kirorirwe na Mushaki zoherezwa muri Walkare,izi nka zasahuwe n’itsinda ryari riyobowe na Lt.Noheri ntibyaciriye aho izo nka zahise zigurishwa mu bwihisho,ubuyobozi bwa FOCA butabizi amafaranga agabanywa bamwe mu bayobozi ba FDLR,ariko Gen.Omega ntiyabonaho,ibi byatumye Gen.Omega arakaraira Lt.Col Giyome ahita amupangira uburozi nk’ibisanzwe akoresha uwitwa Maj.Bizabishaka Bosco usanzwe ashinzwe ibyo bikorwa.

Gen.Majo Ntawunguka Pacifique Omega arashinjwa kwikiza bamwe mu ba Ofisiye ba FDLR akoresheje amarozi

Umwe mu barwanyi ba FDLR utarashatse ko amazina ye atangazwa yabwiye isoko ya Rwandatribune iri Muheto ko ntagushidikanya uburozi bwishe Col.Mazizi wahoze ari Burugumestre wa Runda ari nabwo bwahawe Col.Giyome,kandi ubwo burozi bikaba bivugwa ko butarutswa.

Uyu mutangabuhamya kandi avuga ko aho Lt,Col Giyome arwariye haje abahanuzi babarizwa mu itsinda ryitwa Yezu Ntunsige bahanurira Lt.Col Giyome ko akwiye kwiyeza akatura ibyaha,kuko beretswe ko agiye kuva mu mubiri cyane ko n’uburozi arwaye atazabucika,kandi ko ari uburozi bwavuye ibukuru,aha rero abo Bahubiri(Abahanuzi) bamweruriye ko uburozi bugiye kumwica ari nkubwishe Nyakwigendera Col.Mazizi kandi bizwi neza ko bwatanzwe na Gen.Omega.

Mwizerwa Ally