Burundi-Cibitoke: abarwanyi 2 ba FLN bitwaje intwaro biciwe i Mabayi
Abishwe bari mu mutwe w’inyeshyamba za CNRD/FLN zivuga ururimi rw’ikinyarwanda,umunyamakuru wacu uri iMabayi avuga aba barwanyi bishwe n’ingabo za Leta y’uBurundi zimaze iminsi mu muhigo wo kwirukana izo nyeshyamba ziri mu ishyamba rya Kibira.
Umwe mu basilikare ba Leta y’uBurundi utashatse ko amazina ye atangazwa mu kiganiro yagiranye n’umunyamakuru wacu uri Mabayi yavuze ko Imirwano yabereye hafi y’imitumba ya Gafumbegeti na Rutorero muri zone Butahana muri komine Mabayi.
Ni mu ntara ya Cibitoke (mu burasirazuba bushira uburengerazuba bw’Uburundi) aho buhana urubibe n’URwanda.
Ikinyamakuru SOS Médias Burundi kivuga ko Abaturage baba muri muri ibyo bice batangiye kunva amasasu mu rukerera mu masaha ya sakumi n’imwe za mu gitondo ubwo imbunda nini n’intoya zumvikanaga mw’ishamba rya Kibira.
Ibikorwa bya gisilikare byibasiye uduce twa Kumbeyi, Bitare, Kuntebe yumugisha na Kaziramirundi aho izi nyeshyamba zari zifite ubwihisho.
Amakuru ava mu gisirikare avuga ko abantu abo barwanyi ba FLN bagombaga gutera uRwanda muri iki cyumweru ingabo z’uBurundi zikaba zarasakiranye nabo bataragira icyo bakora.
Umwe mu basilikare yagize ati:Twishemwo babiri muri bo hakomereka abandi bane,niko umwe mu ngabo z’uburundi ukiri umusore yatangarije ikinyamakuru SOS Media Burundi.
Ayo makuru yemeza ko inyuma yo kurasana izi nyeshyamba zahise zihungira mu Kibira gifashe inyuma y’i Bukinanyana,abarwanyi bakomerekeye muri iyi mirwano bajyanywe mu bitaro bikuru bya Mabayi.
Nkurikiye Jean Bosco
