Prezida Nkurunziza yatsinzwe mu rubanza yajuririye arega France 3 n’abandi babiri kumuharabika
Umwanditsi David Gakunzi n’umunyamategeko Bernard Maingain baregwa hamwe na France 3 muri uru rubanza, rumaze gusomwa bavuze ko ari intsinzi ku bantu babuzwa ubuzima mu Burundi.
Pierre Nkurunziza yari yareze Bernard Maingain, David Gakunzi hamwe na Televiziyo yo mu Bufransa France 3 kubera inkuru iyo television yakoze mu 2016, avuga ko yamuharabitse.
Iyo nkuru yerekanye amashusho y’umutwe w’abarwanyi warimo ugandagura abantu mu buryo buteye ubwoba, France 3 ivuga ko ibyo byarimo bibera mu Burundi muri imwe mu masambu ya Perezida Nkurunziza.
Bernard Maingain na David Gakunzi muri iyo nkuru ya France 3, bagaragaye nk’abatumire baje kwamagana cyangwa kuvuga uko ibintu byifashe mu Burundi.
Nyuma byaje kugaraga ko abari mw’iyo video batari abarundi, kandi ko ibyerekanywe bitabereye mu Burundi, France 3 ihita isaba imbabazi ku bw’iryo “kosa”.
Prezida Nkurunziza yahise atangiza urubanza arega abo batatu kumuharabika, ariko aza kurutsindwa Nibwo yahise arujuririra.
David Gakunzi avugako we mu rubanza yerekanye ko hari “ifungwa ry’abantu bagizwe ahanini n’urubyiruko, , no kubuzaa ubuzima abantu ” byarimo bibera mu Burundi.
Yabwiye BBC ati: ”Ikizere cyanjye n’uko ahazaza abiciwe bazabona uburyo bagana ubutabera”.
Abarega ntibashimiye umwanzuro w’urubanza
Uwunganira Petero Nkurunziza, Arthur Vercken, yabwiye BBC Gahuzamiryango ko yatangajwe no kubona urukiko rwubahuka gucamo ibice bibiri inkuru yaharabikaga uwo aburanira.
Yavuze ko kugira ibice bibiri inkuru imwe biciye ukubiri n’amategeko kandi byabaye mu ntumbero yo kudaha agaciro ibivugwa n’abaregera indishyi.
Umwunganizi Vercken avuga ko afite iminsi 5 yo kujuririra urubanza ariko ataramenya icyemezi uwo aburanira azafata.
Mu kwezi kwa mbere mu 2016, Televiziyo y’u Bufaransa France 3 yerekanye amashusho y’ubwicanyi ivuga ko yafatiwe mu ntara ya Karuzi mu Burundi.
Nyuma basanze ayo mashusho yarafatiwe muri Afrika y’uburengerazuba kandi abari muri ubwo bwicanyi bavuga ururimi rw’igi Haussa.
Nkurunziza atsinzwe uru rubanza nyuma yuko n’umuryango mpuzamahanga w’ubumwe bw’uburayi uherutse gusora icyegeranyo cyerekana uburyo mu Burundi ubutegetsi buhotera abantu mbere yuko amatora aba.
Habumugisha Vincent.
