Muri Zone ya Butahana ,mu mudugudu wa Rutorero,Komini ya Mabayi, intara ya cibitoke mu burundi hafatiwe Umunyarwanda umwe n’abarundi batandatu bajyaniye Umutwe witwaje intwaro w’abavuga ururimi rw’ikinyarwanda bari mu ishyamba rya kibira,
Urubuga sos ruvuga ko aba bantu bafashwe n’abasirikare bari bari ku burinzi mu masaha ya saa tanu z’amanwa yo kuri uyu wa 18 kanama 2021.
Urubuga ruvuga ko bose baguwe gitumo ubwo bari bajyaniye abarwanyi b’uyu mutwe ibyokurya mu birindiro byabo biri muri kibira.
Uwaruhaye amakuru yagize ati”Bajyaga muri kibira bafite imifuka irimo ibiribwa ,bagwa mu murongo w’Abasirikare bari ku burinzi hafi y’ishyamba,bahita bafatwa mbere yo gushikirizwa polisi.”
Abafashwe harimo uwitwa Nathan usanzwe ari Umujyanama muri Rutorero,uwitwa Gitagara,Bucumi,Burindwi,Nkeshimana na Thomas Mapindi,ubu bafungiwe ku biro bya Polisi ku rwego rw’Intara ya Cibitoke.
Uwineza Adeline
