François Bozizé wahoze ari Perezida wa Centrafrique agakurwa ku butegetsi n’inyeshyamba mu 2013, aziyamamariza kuyobora iki gihugu mu matora yo mu kwa 12.
Ku wa Gatandatu nibwo byatangajwe ko ashaka kwiyamamaza akongera gutegeka iki gihugu, kimaze imyaka myinshi mu ntambara z’imbere mu gihugu.
Bwana Bozizé w’imyaka 73, yagiye ku butegetsi mu 2003 nyuma ya Coup d’Etat, nyuma atsindira manda ebyiri mu matora, bamwe bavuga ko yaranzwe n’uburiganya.
Faustin Touadéra Perezida uriho ubu, nubwo bitaremezwa ku mugaragaro, biteganyijwe ko na we azahatana mu matora ngo ategeke manda ya Kabiri.
Centrafrique yoherejwemo ingabo mpuzamahanga zo kugarura amahoro kubera intambara z’ubwicanyi bushingiye ku myemerere biharangwa kuva mu 2013.
Muri uku kwezi, umusirikare w’u Rwanda uri mu butumwa bwa UN/ONU muri iki gihugu yishwe arashwe mu mirwano n’inyeshyamba zitwa 3R (Retour, Réclamation et Réhabilitation).
François Bozizé yagarutse mu gihugu mu mezi yashize avuye mu buhungiro muri Uganda
Ubwanditsi
