Mu byo Col.Ruhinda yaba yarazize havuzwemo gushaka kwihuza n’umutwe wa FRD urwanya Leta y’uRwanda
Col.Ruhinda Protegene,Col.Silikove ni bamwe bavuzwe muri dosiye ya FRD ndetse bivugwa ko bagiranaga ibiganiro na Padiri Nahimana Thomas afatanyije na Maj.Ir Kanyamibwa umaze iminsi mike wihaye ipeti rya Jenerali.
Ubuhamya bwatanzwe n’abasilikare begereye Gen.Brigade Nzabanita Lucie Karume ushinzwe ibikorwa bya gisilikare J3 buvuga ko kugeza ubu muri raporo zatanzwe mu mutwe wa FDLR na Lt.Col Asize Umuyobozi wungirije ushinzwe ubutasi muri FOCA bwerekana uko Col.Ruhinda yasasiwe gerenade zikamuturikana izo gerenade zikaba zaratanzwe na Maj Bizabishaka Bosco aziha umusilikare wo ku rwego rwa Ofisiye witwa Su Liyetana Eric ngo azazisasire Col.Ruvugayimikore Protegene zimuhitane.
Muri iyo raporo hakomeza kuvugwa uburyo S/Lt Eric amaze gukora ibara yahungiye Kanyabayonga ndetse kaza gufatwa na Wazalendo bahamagara Gen.Omega basaba ko yavuga igikwiye kuwo mwicanyi Gen.Omega akabasaba ko bamurekura agakomeza urugendo rwe.
Amakuru kandi yatanzwe mu iperereza na Lt.Col Asize avuga ko uyu S/Lt Eric ari umuhungu wa mushiki wa Gen.Omega witwa Specioza utuye mu mujyi wa Goma,Maj Bizabishaka yahaswe ibibazo by’uburyo S/Lt Eric yavanywe iMiandja kaza kurinda Col.Ruhinda,Bizabishaka avuga ko amabwiriza yayahawe na Komanda FOCA kubera ko bari bafite amakuru ko Col.Ruhinda yaba yaragiye kugumura ingabo akajya mu mutwe wa FRD washinzwe na Emmanuel wahoze ari Umunyamabanga mukuru mu biro bya Dr.Ignace Murwanashyaka.
Maj Bizabishaka avuga ko hari n’ibimenyetsi simusiga byavugaga ko Col.Ruhinda we na Col.Silikov ndetse n’umwe mu ba Jenerari bakuru ba FDLR hari abariye udufaranga twa Padiri Nahimana aho bamwizeza kujyana ingabo iMinembwe kugirango zifatanye na Col Nyamusaraba kuzatera uRwanda.
Muri Dosiye ya Col.Ruhinda kandi FOCA yabonyemo ukuboko kwa Gen.Brigade Kimenyi Nyembo ukuriye ubutasi muri FDLR akaba ari nayo mpamvu mw’iperereza ryakozwe Lt.Gen Byiringiro Victor yasizeho itsinda riyobowe na Lt.Col Asize usanzwe ari mwishywa we kugirango hatazaboneka kubogama.
Dosiye ya Col.Ruhinda yasizwe muri Frigo na Lt.Gen Byriringiro ?
Abasesengura ibya Politiki bavuga ko Raporo ya Lt.Col Asize yaje ivuza ubuhuha iyi raporo yerekanye ko isoko y’ikibazo ari uko benshi mu basilikare ba FDLR barambiwe urugamba,ikindi hari ab ashaka kwitahira bakajya mu Rwanda ndetse hari n’abandi bivuza kujya mu Yindi mitwe irwanya Leta y’uRwanda ariko bagasanga nayo ijegajega.
Iyo raporo ya Lt.Col Asize kandi yerekanye ko Gen.Maj Ntawunguka Omega,Gen.Brigade Rishirabake Serge ndetse na Gen.Bgidage Mandevu bafite uruhare mu rupfu rwa Col.Ruvugayimikore Ruhinda,bakaba baramuzijije kurya wenyine ndetse no kuba yarashakaga gutwara FDLR ingabo,aha rero ku bwa Lt.Gen Byiringiro yasanze icyishye Ruhinda yaba ari akagambane koko ariko asanga hagize uwo ahana byatera ikibazo gikomeye mu rugaga FDLR,ikindi uyu Perezida wa FDLR nta bubashya nta buto agifite kuri Gen.Omega kuko amurushya imbaraga mu basilikare akaba ariyo mpanvu dosiye ya Col.Ruhinda itongeye kuvugwa muri FDLR.
Mwizerwa Ally
