Data yambwiye ko nzagera ikirenge mucye, harageze ko abanya Uganda babihitamo_Gen Kainerugaba

Lt Gen Muhoozi Kainerugaba yakije umuriro nyuma yo gutangaza amagambo asa n’aca amarenga ko yifuza kwiyamamariza kuyobora Uganda.

 Abinyujije mu butumwa yanditse kuri Twitter, yavuze ko akiri umwana se [Perezida Museveni] yajyaga amubwira ko azagera ikirenge mucye igihe cyose azaba yiyemeje kubabazwa kubw’abaturage ba Uganda.

Yagize ati”Data[Perezida Museveni] yambwiraga nkiri umwana ko kugirango mbe umugabo w’igitangaza  nkawe ngomba kubanza kwiyemeza kubabara kubw’abaturage ba Uganda nkuko nawe byamugendekeye! Igihe kirageze ngo abanya-Uganda bemeze niba koko narateye ikirenge mucye”

Ibi abantu benshi mu bakurikirana Politiki ya Uganda babifashe nk’ubutumwa yatanze bw’uko ashobora kuba yakwiyamamariza gusimbura se ku butegetsi ubwo azaba asoza manda ye mu mwaka 2025.

Abamukurikira bahise batangira kumwifuriza amahirwe no kumubwira ko, nta kabuza yateye ikirenge mu cya se,mu gihe hari n’abandi  bagiye bagaragaza ko hari abandi  barimo nka Bobi Wine bakora ibyiza  kumurusha.

Gen Muhoozi Kainerugaba usanzwe ari imfura ya Perezida Museveni aramutse yemeje ko aziyamamaza, byaba ari ikimenyetso simusiga cyemeza umugambi w’ibanga bivugwa ko wateguwe guhera mu myaka yo hambere ugahabwa izina rya (Muhoozi Project).

Umushinga witiriwe Muhoozi, bivugwa ko ugamije ko Museveni na NRM abereye umuyobozi bapanzeko azasimburwa ku butegetsi n’umuhungu we Gen Muhoozi Kainerugaba .