Porto na PSG ni zimwe mu ikipe amaze kugera 1/16 cya UEFA Champions League mu ijoro ryo ku wa 13 Ukuboza 2023.
Ikipe ya PSG niyo yagowe bikomeye kuko yananiwe gutsinda Dortmund, isigara icungana n’uko Newcastle itatsinda AC Milan kuko byari gutuma isezererwa ikerekeza muri Europa League.
N’ubwo yasabwaga gutsinda, PSG yirangayeho itsindwa igitego igice cya kabiri kigitangira na Karim Adeyemi wa BVB, ariko ihita icyishyura ibifashijwemo na Warren Zaire Emery, umwana muto uhagaze neza cyane ndetse wanatowe nk’umukinnyi mwiza w’umukino.
Ku rundi ruhande, muri iri tsinda F ry’urupfu, AC Milan yasanze Newcastle mu rugo iyitsinda ibitego 2-1 byatumye iyi kipe yo mu Bwongereza isezererwa mu gihe ariyo yari ifite amahirwe menshi yo kugera muri 1/16 iyo itsinda.
AC Milan yahise yerekeza muri Europa League aho isanzeyo ibindi bigugu nka Liverpool.
Myugariro Pepe ukuze mu irushanwa,yafashije FC Porto ku myaka 40 ye, igera mu mikino ya 1/16 itsinze ibitego 5-3 Shakhtar Donetsk.
FC Barcelona niyo yatunguranye itsindwa na Antwerp ibitego 3-2. Muri 1/16,La Liga ifite amakipe 4 muri 1/16, 3 yo muri Serie A, 2 ya Premier League na PSG muri Ligue 1. Tombola yo gukuranamo iteganyijwe kuwa Mbere,tariki ya 18 Ukuboza.
Amakipe yasoje ayoboye amatsinda:
Bayern Munich
Arsenal
Real Madrid
Real Sociedad
Atletico Madrid
Borussia Dortmund
Manchester City
Barcelona
Amakipe yazamutse ari aya kabiri:
FC Copenhagen
PSV Eindhoven
Napoli
Inter Milan
Lazio
PSG
RB Leipzig
Porto
Amakipe yavuye muri Champions League ajya muri Europa League:
Galatasaray
RC Lens
Braga
Benfica
Feyenoord
AC Milan
Young Boys
Shakthar Donetsk
UMUTESI Jessica
Rwandatribune.com
