Idamange dosiye ye yashikirijwe ubushinjacyaha mu gihe hirya no hino kw’isi abarwanya Leta y’urwanda bakomeje kwigaragambya basaba ko arekurwa
Urwego rw’Igihugu rw’Ubugenzacyaha RIB rwatangaje ko dosiye ya Idamange Iryamugwiza Yvonne yamaze gushyikirizwa Ubushinjacyaha.
Iyi dosiye ikubiyemo ibyaha bitatu aregwa ari byo guteza imvururu cyangwa se imidugararo muri rubanda, gukubita cyangwa kugirira urugomo abayobozi mu nzego za Leta no kwigomeka ku buyobozi.
Mu gihe iyi dosiye yashikirijwe ubushinjacyaha ,Madame Ingabire Victoire utavuga rumwe na Leta y’uRwanda we yatangaje ko ,hari aho yageze nawe akumva ko Idamange Iryamugwiza Yvonne kuri ubu ukurikirwanwe n’ubutabera yageze akarengera, aho yemeje ko yaguye mu mutego wa Padiri Nahimana Thomas ukunze kumvikana avuga ko Perezida Kagame yitabye Imana.
Mu magambo ye Ingabire yagize ati”Idamange umaze igihe ashushya imbuga nkoranyambaga ashobora kuba yarakurikiye inkuru z’impuha zimaze igihe zinyuzwa ku mbuga nkoramyambaga”.
Mwizerwa Ally
