Abarinzi batandatu bo muri pariki ya Virunga muri DR Congo biciwe mu gico cyatezwe n’inyeshyamba ejo ku cyumweru.
Abategetsi baravuga ko umutwe wa FDLR na Mai-Mai Nyatura, umwe muri myinshi ikorera muri aka agace, ari wo wakoze ubu bwicanyi.
Aba barinzi batezwe igico mu gihe barimo bakora uburinzi n’amaguru muri pariki nk’uko umuvugizi w’ikigo cyabo yabibwiye itangazamakuru.
Abakozi bakora muri iyi pariki, ibamo ingagi zugarijwe no gucika, ni kenshi bagiye bagabwaho ibitero n’izi nyeshyamba
Mu kwezi kwa kane umwaka ushize, abarinzi 13 b’iyi pariki barishwe mukindi gico nabwo batezwe n’inyeshyamba.
Imitwe myinshi yitwaje intwaro ikorera mu burasirazuba bwa DR Congo hafi ya pariki ya Virunga – agace UNESCO yashyize mu tugize umurage w’isi.
Itangazo ryasohowe n’ikigo gicunga iyi pariki rivuga ko aba barinzi ku cyumweru mu gitondo “batezwe igico batunguwe ntibabone uburyo bwo kwirwanaho”.
Rivuga ko undi murinzi yakomeretse bikomeye muri iki gitero ubu akaba ari kuvurwa, gusa byitezwe ko azakira neza.
Alphonse Kambale umwe mu bategetsi muri aka gace, yabwiye AFP ko umwe mu barwanyi ba Mai-Mai nawe yasize ubuzima mu mirwano..
Mu barinzi hafi 700 bakora muri pariki ya Virunga, mu myaka irenga 10 ishize muri bo 200 bamaze kwicwa, nk’uko ibiro ntaramakuru AFP bibivuga.
Amazina y’abiciwe muri icyo gitero ni: BURHANI ABDOU SURUMWE 30 ,
BURHANI ABDOU SURUMWE w’imyaka 30,Kamate Mundunaenda Alexis w’imyaka 25,Manenp Kataghalirwa Reagan w’imyaka 27,Kibanja Basherekere Eric w’imyaka 28,Pauluku Budoyi w’imyaka 28,Nzabonimpa Ntamikiriro Prince w’imyaka 27.
Mwizerwa Ally
