Urukiko rw’Ibanze rwa Nyarugenge rwategetse ko Dr Pierre Damien Habumuremyi afungwa imyaka itatu ahamijwe icyaha cyo gutanga sheki zitazigamiye.
Umwanzuro ku rubanza rwa Dr Pierre Damien Habumuremyi rwasomwe hifashishijwe ikoranabuhanga, kuri uyu wa Gatanu, tariki ya 27 Ugushyingo 2020.
Mu rukiko harimo abiganjemo bake mu bagize umuryango wa Dr Pierre Damien Habumuremyi mu gihe uburana yari muri Gereza ya Nyarugenge i Mageragere.
Urukiko rwanzuye ko Dr Pierre Damien Habumuremyi ahanishwa igihano cy’igifungo cy’imyaka itatu n’ihazabu ingana na Miliyoni 892 Frw mu gihe Serushyana Charles baregwa mu rubanza rumwe yagizwe umwere ku cyaha cyo gutanga sheki itazigamiye.
Dr. Pirre Damien Habumuremyi yabaye Minisitiri w’Intebe w’uRwanda guhera tariki ya 7 Ukwakira 2011 kugeza kuya 24 Nyakanga 2014. Yafunzwe ari umuyobozi mukuru w’Urwego rw’igihugu rw’Intwari n’Imidari y’ishimwe.
