DRC : Barasaba Abatutsi n’abanyamurenge kwamagana Perezida w’u Rwanda

Mu kiganiro yagiranye n’abanyamakuru  Minisitiri w’intebe  wungirije wa Repuburika iharanira Demukarasi ya Congo yahamagariye Abanyamurenge n’Abatutsi muri rusange  kwifatanya n’ingabo z’igihugu bakamagana perezida w’ u Rwanda.

Ibi Minisitiri  Daniel Aselo Okito  yabivuze ubwo yatangazaga ko abatutsi bagomba  kwishyira hamwe bakamagana u Rwanda na perezida warwo kubera ko bshinja iki gihugu kuba inyuma y’umutwe w’inyeshyamba wa M23

Uyu muryango mugari w’abanye Congo bavuga ururimi rw’ikinyarwanda bakomeje kwibasirwa n’andi moko yo muri iki gihugu , bakicwa ntankurikizi ,ntihagire n’icyo ubutegetsi buriho bubivuga ho. Ibi byabaye keshi kubaturage bo muri Haut Platau , bo mubwoko bw’abanyamurenge ,baratwikirwa barasenyerwa, barasahurwa ndetse baranicwa ,nyamara ntacyakozwe kubera ubwo bugizi bwa nabi.

Kugeza ubu bamwe mubayobozi bakomeje gusaba  abanyamurenge hamwe n’abaturage bo mubwoko bw’Abatutsi  bo muri DRC  ngo bashyire hamwe imbaraga bamagane imyitwarire ya  perezida w’u Rwanda Paul Kagame.

Uyu muyoboz Daniel aselo  yavuze Ati: “Guverinoma ya Congo itungurwa no kubona abaturage bose biyemeza kurwanya umwanzi wacu uRwanda nyamara abiyita abavandimwe bacu b’Abatutsi hamwe n’Abanyamurenge  ntibadushyigikire. Ibyo bigaragaza ko udashyigikiye Guverinoma yawe kubera iki?yakomeje avuga ko niba Atari abagambanyi b’u Rwanda bagomba kwifatanya n’abandi mubikorwa baba bakora.

Yabajijwe ibyo imiryango mpuzamahanga yita kuburenga nzira bwa muntu ivuga yasubije ko inzego zishinzwe umutekano zizabikora.

Uwineza Adeline