Kuri uyu wa Gatandatu tariki ya 26 Ukuboza, Perezida wa Repubulika iharanira Demokarasi ya Kongo Félix Tshisekedi yagiranye ibiganiro Jean-Pierre Bemba uyobora ishyaka MLC na Moïse Katumbi uyobora ishyaka Ensemble pour la République.
Nkuko bitangazwa n’ibinyamakuri byandikirwa muri Repubulika iharanira Demokarasi ya Kongo, ibyavuye mu biganiro by’aba banyapolitiki bakomeye muri iki gihugu ntibyigeze bitangazwa.
Ibiro bya Perezida wa Repubulika byatangaje ko ibibazo bikomeje kugaragara muri politiki y’iki gihugu aribyo byabaye izingiro ry’ibiganiro by’aba bayobozi.
Amakuru ava muri kongo kandi avuga ko ku munsi w’ejo hashize aribwo , Moïse Katumbi na Jean-Pierre bagaragaye mu murwa mukuru Kinshasa bari kumwe mbere y’uko babonana n’umukuru w’iki gihugu.
Ishyaka Mouvement de Libération du Congo (MLC) rihagarariwe na Jean Pierre Bemba na Ensemble pour la République ya Moise Katumbi Chapwe abarizwa mu mpuzamashyaka Lamuka yahoze iharizwamo Perezida Felis Tshisekedi mbere y’uko atorerwa kuyobora igihugu mu mwaka 2019.
