Nyuma Y’amabarura atandukanye y’amajwi k’umwanya w’umukuru w’igihugu cya Repubulika ya Demokarasi ya Congo, Félix Tshisekedi akomeje kuza imbere ya Moïse Katumbi wari umwaze igihe ahabwa amahirwe yo kwegukana uwo mwanya.
Ibi byagaragaye kuri uyu wa Mbere, tariki 25 Ukuboza 2023, aho Komisiyo ishinzwe gutegura Amatora(CENI), muri Repubulika ya Demokarasi ya Congo, ikomeje gutangaza amajwi, y’imbere mu Gihugu, ku bakandida k’u mwanya w’umukuru w’Igihugu, bikagaragara ko Tshisekedi akomeje kuza imbere muri bose.
Tshisekedi, akomeje kuza kwisonga haba ku majwi yabazwe y’abatoreye hanze y’igihugu cya Congo yabazwe ku Cyumweru, ndetse na yabazwe imbere mu gihugu kuwa 24 Ukuboza 2023 Tshisekedi yaje ariwe ufite amajwi ari hejuru, none n’andi yabazwe k’umunsi w’ejo kuwa 25 Ukuboza 2023, nayo Perezida Felix Tshisekedi, yaje ku mwanya wa mbere afite amajwi 80%, mu gihe Katumbi Chapwe, yaje a ku mwanya wa 2 afite 15.18%.
Abandi baza munsi y’ibice bitanu, nka Martin Fayulu afite amajwi 1,2%, Mukwege we ni 1%.
Gusa kubara biracyakomeje nk’uko CENI, yabishize mu iitangazo ryo kuri uyu wa Mbere, tariki ya 25 Ukuboza 2023.
Amajwi yatangajwe kuri uyu wa Mbere, ni aya bantu bangana na miliyoni ebyiri , bikaba bizwi ko abatoye mu gihugu hose bangana na miliyoni 44 , nk’uko byatangajwe na Komisiyo ishinzwe gutegura Amatora CENI.
Hagati aho imvururu zirakomeje mu gihugu imbere, aho Kiliziya Katolikayatangaaje ko itemera ibirimo kuva mu matora yakozwe kuwa 20-22 Ukuboza 2023, ibyo kandi abakandida batavuga rumwe n’ubutegetsi nabo bakomeje kwamagana, dore ko no kuri uyu wa Gatatu, tariki 27 Ukuboza 2023, hateguwe imyigaragambyo simusiga ya magana ibirimo kuva muri ayo matora.
K’urundi ruhande imirwano nayo yakamejeje hagati ya M23 na FARDC hamwe n’abo bafatanyije mu bice byo muri Tteritwari ya Masisi, mu Ntara ya Kivu y’Amajyaruguru.
Adeline Uwineza
Rwandatribune.com
