DRC: Intambara hagati y’Abazalendo, ubwabo ikomeje kuvuza ubuhuha

Intambara ikomeje kuvuza ubuhuha hagati y’Abazalendo ubwabo, muri Teritoire ya Masisi, Gurupoma Nyamaboko I ni ya II ndetse na Katoyi muri kivu y’amajyaruguru. Aho APCLS ya Gen Janvier Kalahire yari ihanganye na Nyatura FDDH ya Gen Delta Jovial afatanije na Nyatura ya PARECO/FF iyobowe na Gen KIGINGI Macho Kutala.

Aho iyo mitwe y’itwaje intwaro yishyize hamwe ifata izina rya “Wazalendo” bisobanuye abakunda igihugu kurusha abandi, ariko igitangaje ni uko aho kugaragaza uko gukunda igihugu kwabo gushingiye, barengera abenegihugu, ahubwo usanga bari gusubiranamo ubwabo bari gupfa indonke . Noneho bakongeraho no gusahura abanyagihugu, gufata abagore ku ngufu no kubakorera ibikorwa by’urukozasoni.

Nk’uko twagiye tubibabwira mu nkuru zacu zatambutse.  Perezida Tshesekedi yagize gutya ashinga umutwe uhuriwemo n’aba Mayi Mayi, FDLR, n’indi mitwe yitwaje intwaro ikorera mu burasirazuba bwa Congo, awuhitiramo izina yise WAZALENDO risobanuye mu kirimi cy’amahanga ‘Nationaliste’.

Mu kwezi kwa Mata hakunze kuvugwa intambara ya shamiranije Abazalendo ubwabo bapfa amaronko, aha twavuga Taxes zo kuri za Bariyeri, Lalasalama, Guca imanza, Gucuruza amakara muri Park y’ibirunga n’ibindi,

Mu ntangiriro APCLS na Nyatura nibo batangiye bagurisha inka mu masoko ya WALIKALE. Inka bahereyeho biba, ni iz’abagogwe zari aho bita: Kazinga, Kabingo, Ntete na Bushiha. Noneho inka z’abagogwe bazimaze badukira izabahutu n’abahunde.

Kuwa 8 Gicurasi, naho bibye inka 200 z’uwitwa Ndakola w’umuhunde, birakaza abahunde maze nabo bihimura ku nka z’abahutu, bahera kuza Honorable Seninga, iza Seyanga n’izindi zabaga mu gikuyu cya Bihango ahitwa Nyamumbuku no kwa Kibende (mu bushiha). ubwo intambara iba iratangiye, gusa ikibabaje iyo isasu ryavugaga Abanyatura babaga babonye uburyo bwo kwiba, benewabo kuko babaga bahunze maze si ukubacucura ntibabasigire n’ishyiga.

Umunyamakuru wacu ukorera muri Masisi yatubwiye ko bagutumye amase y’inka cyangwa  amahurunguru y’ihene muri Nyamaboko zombi, muri Gurupoma ya Bugabo ko  utayabona, kuko nta tungo ry’inka cyangwa ihene ryahasigaye, barayasahuye barayamara yose. biramutse ari umuti wo kuvura umurwayi yapfa kuko ntabyo wabona.

Yakomeje atubwira ko abaturage bari kurira ayo kwarika bavuga bati ese Mana niba wibuka abawe watwoherereje Moïse akadutabara. Yasobanuye ko Moise bavuga  ntawundi ari M23, ariyo yabavanaho agahiri n’agahinda bazaniwe n’abiyise ABAZALENDO.

Ubutaha tuzababwira iby’intambara iri hagati ya Col Matata ufite ibirindiro hafi ya Ngungu muri Gurupoma ya Mayi Mayi Kifuafua iyobowe na Gen Maachano wi Lemeka nawe wo muri Gurupoma ya Ufamandoi.

Uwineza Adeline