Abashinwa babiri bishwe, abandi bataramenyerwa umubare baburirwa irengero, abo bashinwa bakoraga umurimo wo gucukura amabuye y’agaciro mu Burasirazuba bwa Repubulika iharanira Demokarasi ya Congo ,baguye mu gitero cyari kiyobowe n’umutwe w’abitwaje intwaro CODECO nk’uko byatangajwe n’umuvugizi wa gisirikare kuri uyu wa kane.
Umukuru w’ingabo zo muri ako gace imirwano yabereyemo hamwe n’umukuru wa sosiyete sivile bemeje urupfu rw’abo bashinwa babiri n’abandi bashinwa umunani bataramenyerwa irengero ,nyuma y’icyo gitero cyo ku musi wa gatatu,barashinja CODECO umwe mu mitwe yitwaje intwaro muri ako karere kuba ari wo uri inyuma y’icyo gitero.
Icyo gitero cyabereye i Djugu, mu ntara ya Ituri, aho Abashinwa bakorera ibikorwa byo gucukura Amabuye y’agaciro bakoresheje abenegihugu.
Ishyirahamwe mpuzamahanga ONU rivuga ko ibitero by’umutwe w’itwaje intwaro CODECO bimaze guhitana abasivile benshi muri teritware ya Djugu kuva mu 2017 kandi byatesheje ingo aba barirwa mu bihumbi, iki gitero ni ubwa kabiri gikorewe Abashinwa mu gihe cy’icyumweru kimwe mu burasirazuba bwa congo.
Ku munsi wo kucyumweru ,Abategetsi bavuze ko abantu bitwaje intwaro bishe umuporisi banashimuta Abashinwa batanu hafi y’ahacukurirwa amabuye y’agaciro mu ntara ya Kivu y’Amajyepfo.
Uwineza Adeline
