Kuri uyu wa 12 Kanama 2022, nibwo urukiko Rukuru rwatangiye kumva ubwiregure bwa Jean Marc Kabund ushinjwa gutuka Perezida Felix Tshisekedi.
Ni muri uru rukiko, hafatiwe umwanzuro w’uko Kabund avanwa muri gereza ya Makala yari afungiwemo hemezwa ko afungirwa iwe.
Jean-Marc Kabund akiva mu rukiko yasubijwe kuri gereza ya Makala , mbere y’uko yerekezwa iwe mu rugo aho afungiwe kugeza ubu.
Jean Marc Kabund wabaye umuyobozi w’Ishyaka UDPS rya Perezida Tshisekedi yatawe muri yombi kuwa 9 Kanama 2022. Urukiko rukuru rumushinja kwandagaza perezida Tshisekedi no gusuzugura inteko ishinga amategeko.
