Perezida w’ishyaka riharanira kwibohora muri Congo (MLC) Jean Pierre Bemba yahamagariye abaturage bose guhaguruka bagatera ingabo mu bitugu ingabo za Leta FARDC, kugira ngo babashe gutsinda urugamba bahanganyemo n’inyeshyamba za M23.
Ibi uyu muyobozi yabivuze kuri uyu wa 26 Ugushyingo mu itangazo rigenewe abanyamakuru yashyinze hanze, ubwo yatangazaga ko yagerageje uko ashoboye atanga inkunga ye uko ashoboye none igihe kikaba kigeze ngo buri muturage aharanire kurwanirira ubusugire bw’igihugu cye, n’umutekano wacyo.
Uyu mugabo kandi yahamagariye urubyiruko kwinjira mu gisirikare kugira ngo babashe kurwanya inyeshyamba za M23 zibamereye nabi, nk’uko Perezida wa Congo aherutse kubivuga ubwo yasabaga ko urubyiruko rwakwinjira mu gisirikare ku bwinshi kugira ngo bahashye izi nyeshyamba
Icyakora uyu mugabo yasabye abaturage bose kudakunda gukoresha imvugo itari nziza kubanyamahanga muri iki gihe.
Uwineza Adeline
