Kuri uyu wa Kabiri tariki ya 13 Nyakanga 2021 Augustin Matata Ponyo Mapon wabaye Minisitiri w’intebe wa Repubulika ihararanira Demokarasi ya Congo ku butegetsi bwa Joseph Kabila yatawe muri yombi n’ubushinjacyaha bukuru bw’iki gihugu.
Ubutabera bw’iki gihugu , bwatangaje ko Bwana Ponyo yahise ajyanwa gufungirwa muri gereza nkuru ya Makala mu gihe agitegereje ko dosiye ye ishyikirizwa ubutabera.
Itabwa muri yombi rya Matata Ponyo ryemejwe n’inteko ishingamategeko y’iki gihugu, ari nayo yahaye umushinjacyaha mukuru uburenganzira bwo kumuta muri yombi kuwa 5 Nyakanga 2021.
Bwana Matata Ponyo wabaye Minisitirir w’intebe ashinjwa ibyaha birimo kunyereza akayabo ka miliyoni 11 z’Amadorali yari agenewe umushinga wo gutanga indishyi zatewe n’icyiswe Zaïrianisation cyabaye ku butegesti bwa Mobutu Sese Seko mu mwaka 1971.
