Ku wa gatandatu, tariki ya 26 Ukuboza 2020, Minisitiri wungirije wo kwegereza ubuyobozi abaturage n’ivugurura ry’inzego z’ibanze , Azarias Ruberwa Manywa yavanwe i Kinshasa ajyanwa kuvurirwa muri Afuriika Y’Epfo nyuma yo gufatwa n’uburwayi bukomeye.
Mu minsi ishize nibwo umuryango we watangaje ko arwaye , nyuma akomeza kugenda atagaragara mu nama za Guverinoma . Kugeza ubu uburwayi Ruberwa arwaye ntiburatangazwa gusa umuryango we wemeza ko arembye ku buryo basanze agomba kwitabwaho n’ibitaro bifite ibikoresho bihagije.
Indege yajyanye Ruberwa yahagurutse i Kinshasa nyuma y’impaka hagati y’abashinzwe umutekano ku kibuga cy’indege mpuzamahanga cya Ndjili bashakaga ko uyu mugabo atajyananwa hanze ari kumwe n’umuryango we n’abakozi be .
Nta bisobanuro byatanzwe ku bijyanye n’uburwayi bwa Minisitiri Ruberwa . Gusa umuryango we wabanje kugaragaza ibyemezo by’uko igihugu cya Afurika y’Epfo cyemeye kwakira Ruberwa kubw’impamvu z’uburwayi batifuje gutangaza.
