DRC : Minisitiri Lutundula yongeye guhakana ko nta nyeshyamba za FDLR zikibarizwa kubutaka bwa Congo

Mu kiganiro yagiranye n’abanyamakuru kuri uyu wa 07 Nyakanga 2022 ,Minisitiri w’intebe wungirije akaba na Minisitiri w’ububanyi n’amahanga Christophe Lutundula yongeye guhakana ko nta nyeshyamba za FDLR zikibarizwa k’ubutaka bwa Congo ,n’ubwo u Rwanda rubashinja gukorana nabo.

Ibi bije nyuma y’uko yaraherutse gutangaza ko  FDLR u Rwanda rubashinja gukorana nabo ,umurwanyi wabo wa nyuma yapfuye muri 2009,ubwo hakorwaga operasiyo   yiswe Umoja Wetu.

Yagize Ati”u Rwanda rumaze iminsi rudushinja gukorana FDLR , nyamara FDLR yabaye amateka mu gihugu cyacu. Kuko nta muyobozi n’umwe ubarizwa kubutaka bwa Repuburika iharanira Demukarasi ya kongo. Ahubwo twabivuze kenshi  ko u Rwanda ruri gufasha umutwe w’inyeshyamba wa M23 . yongeye ho ko FDLR Atari abanye Congo kuburyo baba bari kurwana bafatanije n’ingabo z’igihugu.

Kuva uyu mutwe w’inyeshyamba wa M23 wongeye guhangana na Leta ya Kinshansa kuva icyo gihe umubano w’uRwanda na Congo waje mo agatotsi kuburyo bugaragara. Congo ishinja u Rwanda gufasha  izi nyeshyamba mugihe u Rwanda rubihakana rwivuye inyuma, ahubwo rugashinja ingabo za Congo FARDC gufatanya n’inyeshyamba za FDLR zasize zikoze amahano mu mwaka wi 1994.

Mu ntama yahuje aba perezida b’ibihugu byombi hamwe n’umuhuza wabo ariwe Perezida w’Angola yabereye I Luanda muri iki gihugu nyine  bari bagamije gushakira umuti ikibazu cy’ubwumvikane buke buri hagati y’u Rwanda na Congo,iyi nama yarangiye bashyize ho komisiyo ishinzwe kubikurikirana.

Umuhoza Yves