Byemejwe ko ejo ku wa mbere 05 Ukwakira kandi abaturage bakereye kwakira Perezida Félix Tshisekedi,umujyi wa Goma ukaba utamirije imitako,isuku idasanzwe n’umutekano ukaba wakajijwe n’umutwe udasanzwe urinda umukuru w’igihugu ndetse na za ngabo z’imitamenwa zizwi nka HIBOU SPECIAL FORCE.
Mu kiganiro yagiranye n’umunyamakuru wacu uri iGoma kuri iki cyumweru tariki ya 4 Ukwakira,Guverineri Nzanzu Kasivita Carly Nzanzu Kavisita Carly yemeje aya makuru avuga ko Perezida wa Repubulika azagera i Goma ahagana mu ma saa kumi z’amanwa ku isaha yaho.
Mu butumwa yatanze arahamagarira abaturage bose batuye Umujyi wa Goma kumwakira neza ku kibuga cy’indege,intego nyamukuru ni ugukemura ibibazo bibangamiye intara ya Kivu y’Amajyaruguru.
Biteganyijwe kandi ko Perezida Félix Tshisekedi azafungura Hotel Serena y’inyenyeri 5 iri mu mujyi wa Goma,akazabonana n’abayobozi b’inzego zitandukanye ndetse n’abikorera ku giti cyabo.
Mwizerwa Ally
