Urukiko rw’ubujurire rwa Tshopo muri Repubulika iharanira Demokarasi ya Congo rwatesheje agaciro ibyavuye mu matora ya Guverineri yaherukaga kwegukanwa na Tonny Kapalata.
Mu matora yabaye kuwa 8 Gicurasi 2022, aho Tonny Kapala yayegukanye atsinze Madeleine Nikomba bari bahanganye.
Amatora ya Guverineri muri iyi ntara akaba azasubirwamo mu minsi iri imbere nk’uko byemejwe na Jean Pierre Litema Yema , usanzwe ari Umuyobozi Wungirije w’Iyi Ntara.
Uyu muyobozi yagize ati: “Haracyari urujijo, gusa ibintu byose bizasubirwamo.”
Uyu muyobozi akomeza avuga ko amatora azategurwa nyuma y’iminsi mike nk’uko uyu muyobozi yabitangarije Okapinews.net
Tonny Kapalata yari aheruka gutorerwa kuyobora Intara ya Tshopo n’amajwi 14.
Uwineza Adeline
