Mugihe imyigaragambyo yo kwamagana ingabo z’umuryango w’abibumbye MONUSCO,muri DRC imaze igihe yaraciye ibintu, uwahoze ari Perezida w’Ubufaransa François Hollande yongeye gusaba ko muri Congo hakoherezwa ingabo z’amahanga nyinshi kugira ngo bafashe Leta kurwanya imitwe y’iterabwoba yayogoje ubutegetsi bwa Leta ya Congo.
Uyu muyobozi w’icyubahiro mugihugu cy’Ubufaransa yatangaje ibi ubwo yari muruzinduko rwe mu gihugu cya DRC yatangiye kuri uyu wa mbere, agatemberezwa mubice bimwe na bimwe birimo Bukavu nayo yayogojwe n’imitwe y’inyeshyamba aho yakiriwe na Guverineri w’intara ya Kivu y’amajyepfo ,Théo Ngwabije.
Mu ijambo rye ubwo yari I Bukavu, yashimye ingamba zafashwe zo kurwanya imitwe y’inyeshyamba zibarizwa mu burasirazuba bwa Congo,yongera ho kandi ko habaho kohereza izindi ngabo nyinshi z’amahanga muri Congo mu rwego rwo gutera ingabo mu bitugu ingabo za Leta niza MONUSCO kugira ngo barase imitwe y’inyeshyamba yajegeje ubutegetsi bwa Congo.
Hari amakuru kandi akomeje gucicikana n’ubwo nta ruhande rwari rwabyemeza mubo bireba avuga ko hari abasirikare b’u Bufaransa bamaze gutegurwa bazoherezwa i Bunagana gufasha mu kwirukana umutwe wa M23 wigaruriye kiriya gice cy’ubutaka bwa Congo.
Biteganijwe ko kuri uyu wa 28 Nzeri, François Hollande arahura na Denis Mukwege wanahawe igihembo cy’amahoro cyitiriwe Nobel mu mwaka wa 2018. Uyu mugabo nawe azwiho ko akunze kwegeka ibibazo bya Congo ku Rwanda.
Umuhoza Yves
Akabaye icwende ntikoga koko! Ubu se Hollande amahoro ashakira DRC ni ayahe koko? Ntashobora no kwibaza gato agatekereza ku mpamvu ngo ishakirwe umuti we akirukira gusa mu kongera ingabo zo kurwana! Ni ukuvuga ko agamije kwica ntagamije gushaka igisubizo haherewe ku ipfundo ryacyo! Nyine izo Ngabo nizize zisahurire zohereza mu Burayi. Jenoside bakoze mu Rwanda bari kuyikomereza muri DRC bientôt mu Karere kose
Francois Hollande n’umwe mu Bafaransa Banga abatutsi urunuka,ariko iyaba abafaransa bagarukaga mu karere wenda noneho bahabonera isomo nk’iryo baboneye muri indochine/Vietnam mu 1953 kdi ho ntibasubirayo