Col Makanika yemeje ko mugenzi we Col.Sematama Charles yamugezeho mu mutwe w’inyeshyamba ayoboye za Twirwaneho
Taliki ya 28 Gashyantare 2021 nibwo hamenyekanye inkuru ivuga ko Col Sematama Chales wayoboraga ingabo muri Regiment ya 3411,yatorotse igisilikare cya Repubulika iharanira demokarasi ya Congo FARDC,ajya kwifatanya na mugenzi we Col.Makanika nawe wahoze mu ngabo za FARDC agashinga umutwe w’inyeshyamba za Twirwaneho.
Mu kiganiro yagiranye n’Ijwi ry’Amerika Col.Makanika yemeje ayo makuru aho yavuze ati:yaraje yatugezemo turi kumwe mu mugambi wo kurwanira abaturage.
Col.Makanika yavuze ko impamvu yazanye Col.Sematama muri Twirwaneho,aruko atagombaga kuguma mu gisilikare kiguma kirebera abaturage bicwa,ati:iyi niyo mpamvu yamuzanye ni nayo yatuzanye,kandi niyo izazana n’abandi,n’ukwanga kurebera abaturage bicwa rubi ahubwo Leta igashigikira abica abaturage,yatugezeho ku cyumweru.
Col.Makanika yavuzeko umutwe wa Twirwaneho ukomeje kugarura amahoro mu gace ka Minembwe,aho yagiye yirukana aba mai mai b’Abafurero yagiye ihatuza abaturage b’abanyamurenge,kandi ubu baratekanye.
Umwe mu bayobozi ba sosiyete sivile utashatse ko amazina ye atangazwa yavuze ko bafite impungenge ko muri ako gace hashobora kuba intambara ishingiye ku moko,mu gihe abanyamurenge bamara kubaka igisilikare gikomeye muri ako gace kandi bakaba basanga ariho birikwerekeza,n’andi moko yashyira imbaraga mu kubaka imitwe y’inyeshyamba muri ibyo bice.
Umuvugizi wa FARDC Gen.Leon Kasonga mu kiganiro aherutse kugirana n’itangazamakuru yavuze ko Leta ya Congo n’ingabo zayo FARDC itazorohera uwari wese ugira uruhare mu gushing imitwe y’inyeshyamba kugeza ubu muri Fizi habarirwa imitwe ya Mai mai Twirwaneho,Mai mai Yakutumba,Mai Mai Gumino,Mai mai Birozebishambuke na RNC ya Kayumba Nyamwasa,n’indi tutarondoye.
Mwizerwa Ally
