Umutwe wa FDLR uratungwa agatoki k’uba inyuma y’amakimbirane amaze guhitana abantu 20 hagati y’abahutu n’abanande
Abantu basaga 20 nibo bamaze kwitaba Imana mu makimbirane, amaze icyumweru hagati y’abaturage bo mu bwoko bw’abanande n’abaturage bo mu bwoko bw’abahutu mu gace ka Rutshuru na Kiwanja.
Mu bamajije kwicwa harimo abaturage bo mu bwoko bw’abanande basaga 14 n’abandi bo mu bwoko bw’abahutu basaga7.
Ikindi gikomeje gutera amakenga abaturage batuye muri utwo duce nuko buno bwicanyi burimo bukorwa ,buvanze no gushimuta abantu byahato na hato kugeza ubu abashimuswe bakaba batarabonerwa irengero.
Nkuko bitangazwa n’ubuyobozi bwa Teritwari ya Rutshuru mu kiganiro yagiranye n’umunymakuru wacu uri Kiwanja,ngo intandaro y’aya makimbirane yatewe n’imiryango imwe nimwe y’inyeshyamba zo mu mutwe wa FDLR yaje gutura mu baturage mu gace ka Bwisha na Nyongera ngo akaba aribo bakuririza urwango rushingiye kw’ivanguramoko hagati y’abaturage bo mu bwoko bw’Abanande n’abo mu bwoko bw’Abahutu.
Ubuyobozi bwa Teritwari ya Rutshuru bukomeza gutunga agatoki Umutwe w’inyeshyamba za FDLR ubarizwa mu gace ka Rutshuru guhembera amakimbirane hagati y’abanyapolitiki bo mu bwoko bw’abahutu ,nabo mu bwoko bw’Abanande bimajije gutuma abantu bagera kuri 20 bicwa abandi bakaburirwa irengero
umunyamakuru wa Rwandatribune uri muri Teritwari ya Rutscuru mu makuru yiherewe na bbamwe mu baturage batuye iKiwanja na Bwisha bavuga ko ,indi mpamvu iri inyuma y’aya makimbirane n’ubwicanyi n’urugumo, bikorwa n’imitwe yitwara gisirikare aho buri bwoko bushinja ubundi kurema imitwe yitwara gisirikare maze ikabahungabanyiriza umutekano harimo kubica no ku banyaga utwabo .
Abanande bakaba bashinja FDLR gufasha no kurema udutsiko twitwaje intwaro mu bakongomani bo mu bwoko bw’abahutu iyi mitwe izwi nka Nyatura,kugirango babahungabanyirize umutekano.
Umuyobozi bwa Teritwari ya Rutshuru bukaba buteganya guhuza impande zishyamiranye muri Teritwari ya Rutshuru kugirango ikibazo cy’amakimbirane hagati y’impande zombi gicyemuke no kongera gushakisha bamwe mu miryango y’nyeshyamba za FDLR zaje gutura mu baturage mu gace ka Nyongera bahirukanwe bashikirizwe ubutabera,kuko ari nabo bari inyuma y’aya makimbirane ashingiye kw’ivanguramoko hagati y’abaturage bo mu bwoko bw’abanande nabo mu bwoko bw’abahutu muri Teritwari ya Rutshuru.
Hategekimana Claude
