Intambara ikomeje guca ibintu muri Gurupoma ya Binza Zone ya Rutshuru umwe mu bayobozi ba RUDI URUNANA Kapiteni Cakabare yasize ubuzima mu iyo mirwano.
Inkuru dukeshya bamwe mu bayobozi sivile batuye muri ako gace ka Gurupoma ya Binza muri Lokarite ya Kinyandonyi, Kibirizi na Kiwanja kuri uyu wa 19 Nyakanga 2019 urufaya rw’amasasu rwakomeje kunvikana muri ibi bice bikaba byagenzurwaga n’umutwe w’inyeshyamba za RUDI URUNANA igice kiyomoye kuri FDLR iyi mirwano ikaba ihuje RUDI URUNANA n’ingabo za Repubulika iharanira demokarasi ya Congo FARDC.
Umuturage uhaturiye tudatangaje amazina kubw’umutekano uri I Binza araduhamirizako inyeshyamba za RUDI arizo zatangije imirwano zishyaka kwigarurira ibirindiro bikuru bya KATANGA, Makoka na Nyamirima ariko FARDC ikaba yihagazeho igumana ibirindiro byayo muri iyi mirwano RUDI ikaba yatakarijemo abasilikare batanu bari bakuriwe na Kapiteni Cakabare.
Kugeza ubu ingabo za FARDC zikaba zarashyizeho akayabo k’amadorari y’abanyamerika uwatanga amakuru ya Gen. Ndagijimana Jean Michel n’uwitwa Kapiteni Nshimiyimana Cassien uzwi ku izina rya Gavana baregwa ibyaha by’intambara, kugeza ubu twandika iyi nkuru umutekano ukaba utaragaruka.
twababwirako inyeshyamba za RUDI URUNANA zimaze imyaka hafi icumi ziyomoye kuri FDLR ubu RUDI ikaba ari umunyamuryango wa plateform yiyise P5 izi nyeshyamba bamwe mu bayobozi bazikuriye bakaba baregwa ibyaha by’intambara’
Yanditswe na Ally Mwizerwa
