Mu ntambara ihanganishije ingabo za Leta FARDC n’umutwe wa M23 biravugwa ko Col.Mboneza wari ukuriye ibikorwa bya gisilikare muri M23 yafashwe mpiri.
Ni amakuru yakomeje gucicikana ku mbuga nkoranyambaga zo muri Repubulika iharanira demokarasi ya Congo,aho bikomeje kuvuga kw’itabwa muri yombi rya Col.Mboneza ukuriye ibikorwa bya gisilikare muri M23.
Ni mu mirwano yari ihanganishije ingabo za Repubulika iharanira demokarasi ya Congo n’umutwe wa M23 ,aho ingabo za Leta zari mu rugamba rwo kwigarurira uduce twa Gikeri,Rwaza,Rugali na Nyesisi ho muri Teritwari ya Rutscuru,mu ntara ya Kivu y’amajyaruguru,ababyiboneye n’amaso bavuga ko intambara yabereye ahitwa iRugali k’umunsi w’ejo kuwa 6 taliki ya 30 Mutarama 2022 kuva mu masaha ya mu gitondo kugeza nimugoroba,bakaba bavuga ko byibuze abarwanyi 13 ba M23 basize ubuzima muri iyi mirwano ndetse hakaba hari n’abarwanyi ba M23 bafatiwe muri iyo mirwano.
Isoko y’amakuru ya Rwandatribune iri muri Gurupoma ya Rugali ,Teritwari ya Rutchuru ivuga ko muri izi ntambara zahanganishije ingabo za Leta na M23 habonetsemo indi mitwe y’inyeshyamba zarwanye ku ruhande rw’ingabo za Leta FARDC gusa akaba nta ruhande rwari rwaboneka ngo rwemeze aya makuru.
Twashatse kumenya icyo uruhande rwa M23 ruvuga kw’ifatwa ry’uyu mu Colonel duhamagara Maj.Ngoma Umuvugizi wa ARC/M23 ntitwamubona kuri telephone ye ngendanywa kugeza ubwo twandikaga iyi nkuru.
Uwineza Adeline
(Diazepam)
