Umutwe wa M23 wisubije agace ka Bambo na Kabizo kuri uyu mugoroba nyuma yaho ingabo za Leta ziyabangiye ingata
Aya makuru yemejwe n’umwe mu basilikare babarizwa muri Rejima ya 3011 yakoreraga muri ako gace ,uyu musilikare wo kw’ipeti rya Kapiteni utashatse ko amazina ye atangazwa, yabwiye Rwandatribune ko FARDC yivanye mu gace ka Bambo na Kabizo nyuma y’uko babonye amakuru yerekanaga ko bashobora kuraswa na M23.
Uyu mu Ofisiye yagize ati”nti twari kuba mu gace ka Bambo tumaze kubona ko umutwe wa FDLR wambuwe ibirindiro bikuru byawo biri Kazaroho,ikindi kandi umwanzi wacu yari amaze gushinga ibirindiro hejuru ya Kazaroho, ashaka kuturasa nta mahirwe twabonaga yo kuhikura usibye gukizwa n’amaguru.
Ubwo twandikaga iyi nkuru kandi mu bice bya Kinyandonyi umutwe wa M23 wari umaze gusubizayo ibitero bya Wazalendo ifatanyije na FARDC aho ibibitero mu ngabo za Leta na Wazalendo babitakarijemo abantu benshi.
Hashize ukwezi Ingabo za Leta zitangije ibitero byinshi k’umutwe wa M23 ,ibi bikaba byabanjirijwe n’integuza ya Ministiri w’ububanyi n’amahanga Bwana Lutundura Christophe aho yari yahaye umutwe wa M23 amasaha ntarengwa yo kuba wavuye mu duce ugenzura ,ariko M23 ikinangira.
Mwizerwa Ally
