Mu nkambi ya Dzaleka ibarizwa mu gihugu cya Malawi, hakomeje gukekwa ko hari gukorerwa igikorwa cyo kwinjiza urubyiruko mu mutwe w’abacanshuro bazoherezwa muri Ukraine.
Nk’uko amakuru aturuka muri iyi nkambi y’impunzi abitangaza, ngo abantu bashinzwe gushaka abakozi bavuga ururimi rw’i Kirundi, i Kinyarwanda n’i Kiswahili, indimi zo mu karere k’ibiyaga bigari .
Aya makuru akomeza avuga ko urubyiruko rwo mu nkambi rurimo kwiyandikisha kujya mu mutwe w’abacanshuro hagamijwe kubohereza mu gihugu cya Ukraine .
Muri iyi nkambi yiganjemo Abarundi, Abanyarwanda n’Abanyekongo biukekwako urubyiruko rurimo gutorezwa kujyanwa muri Ukraine, mu gihe hari n’abavuga ko baba barimo gutorezwa kujyanwa mu mitwe yitwara gisirikare mu burasirazuba bwa Congo Kinshasa.
Umutu umwe wemeye kujya muri ibyo9 bikorwa ngo ahabwa 10,000 Amakwaca akoreshwa muri Malawi , angana n’amadorali 12 ya Amerika.
Kuva aya makuru yatangazwa mu minsi mike ishize, serivisi z’umutekano zikomeje gukazwa, kugira ngo hamenyekane icyihishe inyuma y’ibi biri gutangazwa. Dore ko kugeza ubu hashyizwe ho isaha yo kwinjirira mu nkambi.
Kugeza ubu Abagabo batatu bakekwaho kuba inyuma y’iki gikorwa batawe muri yombi , ubu bari gukurikiranwa n’inzego zibishinzwe
Inkambi y’impunzi ya Dzaleka iherereye mu karere ka Dowa muri Malawi, hafi y’umurwa mukuru Lilongwe. Icumbikiye impunzi zirenga 50.000, harimo Abarundi barenga 11.000. Abandi bayirimo baturuka muri Somaliya, Etiyopiya, n’u Rwanda hamwe na DRC.
Umuhoza Yves
