Gen Muhoozi Kainerugaba , Umugaba w’ingabo zirwanira ku butaka mu ngabo za Uganda wari watangaje ko azagaruka kuri Twitter ari uko rwaguzwe n’umunyafurika, yagarutseho bitunguranye yiyita “Inkotanyi Cyane”.
Guhera kuwa 12 Mata 2022, konti ya Gen Kainerugaba ntiyari igikoreshwa ku rubuga rwa Twitter.
Ku mugioroba wo kuri uyu wa Gatandatu nibwo bitunguranye, Gen Muhoozi Kainerugaba agarutse kuri Twitter, aho ahise atangaza ko yakiriye inka aherutse kugabirwa na Se wabo[Perezida Kagame] ubwo yasuraga u Rwanda muri Werurwe 2022.
Muhoozi kandi yanakomeje avuga ko mu gihe impirimbanyi z’impinduramatwara zigihari [Yivugaga we na Perezida Kagame] ngo asanga umuryango wa Afurika y’Uburasirazuba ntacyo ugomba gutinya.
Yagize ati”Inkotanyi cyane, EAC[Afurika y’iburasirazuba] ntigomba gutinya, impirimbanyi z’impinduramatwara turacyahari mu nshingano”
Mu bundi Butumwa yanditse , Gen Muhoozi yanakomoje ku kuba Perezida Kagame ari umwe mu bazitabira ibirori by’isabukuru ye biteganijwe kuwa 24 Mata 2022, aho asanga ari ikintu kidasanzwe bityo avuga ko abishimira Imana.
Cyakora abatari bake mu bamukurikira bakomeje kunenga uburyo akoresha imbuga nkoranyambaga ze, nkaho bavuga ko akunze kurangwa no kwivuguruza. Ni nyuma yuko yigeze kutangaza ko avuye mu gisirikare, nyuma akaza kwivuguruza, na nyuma y’uko abinyujije ku muvugizi we Lt Col Magezzi Chris yari yatangaje ko azagaruka kuri uru rubuga nkoranyambaga ari uko rwamaze kwgukanwa na Elon Musk, nyuma y’igihe kinini amaze arushinja kugerageza gucecekesha abo yita impirimbanyi z’impinduramatwara[nawe arimo]
