Kuva mu ntangiriro z’uku kwezi kwa na kumwe igisirikare cya leta ya Ethiopia gihanganyemo n’umutwe w’ingabo urwanira ubwigenge bwa leta ya Tigray, imwe mu maleta agize iki gihugu.
byose byatangiye igihe aba barwanyi bakoze igiterocy’ubushotoranyi ku kigo cya gisirikare, bakanagerageza no gusahura ibikoresho bya gisirikare, nk’uko byavuzwe na Minisitiri w’intebe wa Ethiopia Abiy Ahmed.
Leta y’iki gihugu ishinja ishyaka rya, Tigray People’s Liberation Front (TPLF), ko ariryo ryakoze icyo gitero ariko iri shyaka rikabihakana.
Hari haciye igihe hari icyuka kibi hagati y’iri shyaka TPLF riyoboye Leta ya Tigray aho iyo leta hamwe na leta ya Ethiopia ifite icyicaro ku murwa mukuru Addis Abeba.
impande zombi zananiwe guhoshya ayo makimbirane kuva mu kwezi kwa gatandatu uno mwaka igihe ,Bwana Abiy ahagarikiye ibikorwa by’amatora ku rwego rw’igihugu kubera icyorezo cya Covid-19.
Ishyaka TPLF ryakiriye nabi uwo mwanzuro dore ko amatora yari ateganyijwe mu kwezi kwa cyenda,kuva icyo gihe iri shyaka TPLF rifata Leta ya Ethiopie ko itemewe n’amategeko.
Tigray ni imwe muri leta icumi zigize igihugu cya Ethiopia, ikaba iri mu burasirazuba bw’iki gihugu.
Wakwibaza uti n’ibihe bintu bitanu Leta ya Tigray ifite by’umwahariko utasanga ahandi?
- Tigray yari umurwa mukuru w’ubwami cyangwa igihugu cya Axoum (royaume d’Axoum). Abahanga mu mateka y’ Afurika,bavuga ko iki gihugu cyari gikomeye mu gihe cya kera cari mu karere k’ihembe rya Afrika cyari kigizwe n’Uburasirazuba bwa Ethiopia, bwa Djibouti hamwe na Eritrea y’ubu. Iki gihugu cyatangiye kubaho mu kinyejana cya kane imbere y’ivuka wa Yezu/Yesu, kikaba gifatwa ko cyari kimwe mu bihugu byari bikomeye cyane mu mateka yo hambere, hagati y’ubwami bw’Abaromani (Empire Romain) n’ubwami bw’Abaperesi (Empire Perse);
- Ibisigaratongo by’umujyi wa Aksum/Axoum biri mu mutungo wa ONU. Aka karere, karamenyekanye hagati y’ikinyejana cya mbere n’icya 13 inyuma y’ivuka rya Yezu/Yesu, habonekamo ibyaranze ubu bwami bigizwe n’iminara miremire, ingoro, imva z’abami hamwe rero n’urusengero ruvugwa na bamwe ko ari rwo rubitswemwo rya Buye ririho ya masezerano Imana yagiranye na Musa (Arche d’Alliance) waruyoboye Aba Isiraheri, ikamuha ya mabwirizwa cumi ku musozi wa Sinai (Sinaï);
- Abantu nka bose baba i Tigray ni abakirisitu b’idini ry’aba Gatolika b’aba Orthodox ya Ethiopia. Amateka y’abakristu muri aka karere amaze imyaka 1600;
- Ururimi nyamukuru ruvugwa muri aka karere rwitwa Tigrinya, ururimi rw’igisemite rufite inkomoko mu karere ka Aziya y’uburasirazuba bwo hagati, rukaba ruvugwa n’abantu baharenga miliyoni irindwi kw’isi yose;
- Igihingwa ngandurabukungu cyoherzwa hanze cyera muri ako gace ni sesame, yoherezwa muri Amerika, mu Bushinwa hamwe no mu bindi bihugu.
Mwizerwa Ally
