Kuri uyu wa 26 ugushyingo 2021,raporo y’ibitangazamakuru bya Qatari nka Al Jazeera, yerekana ko Leta zunze ubumwe z’Abarabu (UAE) , ziyemeje gutanga inkunga ya gisirikare muri Etiyopiya kugira ngo bafashe guverinoma gutsinda inyeshyamba muri Tigray, nk’uko ikinyamakuru cyo mu burasirazuba bwo hagati kibitangaza.
Etiyopiya iri mu ntambara mu gihe guverinoma igerageza guhagarika ingabo za TPLF, umutwe w’ingabo w’ahitwa Tigrayan ugerageza kwigarurira akarere nyuma yo kugatakaza umwaka ushize. Ingabo z’inyeshyamba zigaruriye Mekele umurwa mukuru wa Tigray maze zerekeza mu rugendo rwo kujya i Addis Abeba nk’uko amakuru abitangaza, Leta zunze ubumwe z’Abarabu zafunguye indege kugira ngo leta ya Etiyopiya ifashwe mu gisirikare mu rwego rwo kurangiza iyi ntambara.
Ikinyamakuru Al Jazzera dukesha iyi nkuru, kivuga ku mashusho y’icyogajuru, cyatangaje ko indege zirenga 90 zakoze inzira ihuza Emirates na Etiyopiya hagati ya Nzeri n’Ugushyingo uyu mwaka.
Nk’uko ibitangazamakuru bibitangaza bati “niyo twaba tudafite amakuru ajyanye n’aho bagwa cyangwa bahagurukira, hashobora kuba ikibazo cyo gutanga intwaro n’ibindi bikoresho bifatika kugira ngo iyi ntambara rangire.
Na none, andi makuru avuga ko drone y’ingabo z’Ubushinwa yageze muri Ethiopiya.
MEMO ivuga ko igice kinini cy’amajyaruguru ya Etiyopiya cyugarijwe no kubura itumanaho kubera ko ntatumanaho riri kuhaboneka kandi abanyamakuru ntibaboneka yo cyane, ku buryo kugirango babone amakuru y’urugamba bigoye kuyashaka. Ubu abategetsi ba Etiyopiya babujije ibitangazamakuru ku mugaragaro kutagira icyo batangaza ku ntambara.
M.Louis Marie
