Igisilikare cya Leta ya Congo cyareze umutwe wa M23 kurenga ku gahenge ukaba wagabye igitero igitero mu gace ka Bweramana
Mu mirwano yabaye muri iki gitondo cyo kuwa gatandatu taliki 06 Nyakanga 2024, yahanganishije ingabo za Leta FARDC mu gace Bweramana gaherereye muri Gurupoma Mufunyi Shanga,Teritwari ya Masisi,isoko ya Rwandatribune iri muri ako gace ivuga imirwano yatangiye mu gitondo cya kare ikaba yamaze amasaha atanu.
Nyuma y’imirwano hakaba habaye ibikorwa by’ihohoterwa ku baturage ndetse n’ubusahuzi bwinshi nkuko byemezwa n’umwe mu mpirimbanyi z’umuryango uharanira uburenganzira bwa muntu LUCHA, mu kiganiro amaze kugirana na Rwandatribune.
Aganira n’umunyamakuru wacu uri Goma Lt.Col Ndjike Kaiko yashinje umutwe wa M23 kugaba igitero kuri FARDC,ndetse uyu mutwe ukaba warenze ku masezerano y’agahenge kasabwe na Leta zunze ubumwe z’Amerika.
Ku ruhande rwa M23 twavuganye n’Umuvugizi wungirije mu bya politiki Bwana Oscar Barinda avuga ko ingabo za Leta arizo zashotoye uburinzi bwa M23 bwari muri ako gace,uyu mutwe ugahita ufata icyemezo cyo kwirwanaho.
Mwizerwa Ally
