Igisirikare cya Repubulika ya Demokarasi ya Congo (DRC) kizwi nka FARDC kivugako cyishe abarwanyi 11 B’umutwe witwaje intwaro wa M23 cyangwa ARC (Armee Revolutionnaire du Congo) ukorera muri pariki ya Virunga.
Komanda wa Regima y’3413 ikorera ku rubibi ruhuza DRC, U Rwanda na Uganda , Col Honore Rindugu yabwiye ibiro ntaramakuru by’Abafaransa AFP Ko aba barwanyi baguye mu mutego abasirikare ba Leta bari babateza kuri uyu wa 30 Mutarama 2022.
FARDC yishe aba barwanyi mu rwego rwo kwihorera nk’uko Guverineri w’intara ya Kivu y’Amajyaruguru , LT Gen Constant Ndima yari yarabirahiriye ubwo yari mu muhango wo gushyingura abasirikare babo 26 barimo uw’ipeti rya colonel wiciwe mu gace ka NYesisi mu ijoro ryo kuwa 24 rishyira uwa 25 Mutarama 2022.
Umutwe wa M23 wari wararambitse intwaro hasi mu mwaka w’2013 , bamwe bari bawugize bahungiye muri Uganda no mu Rwanda .Gusa bivugwa ko hari abarwanyi bawo bayobowe na Sultani Makenga bihuje muri uyu mutwe wa ARC basubira muri pariki ya Virunga , aba bakaba aribo bashyinjwa kugaba ibitero kuri FARDC mu bice bitandukanye bya teritwari ya Ruchuru.
UWINEZA Adeline
