Mu mirwano ihanganishije igisirikare cya Leta ya Repubulika Iharanira Demokarasi ya Congo (FARDC) n’umutwe wa M23, abasirikare ba FARDC bari mu mujyi wa Kiroshe bakubiswe inshuro na M23 biruka bahungira i Goma, bituma hari abibaza ko amaherezo bazanahungira mu Rwanda.
Ni nyuma y’urugamba rushyushye rwabaye kuri uyu wa Gatatu tariki 08 Weruwe 2023, rwabereye mu bice bitandukanye, aho impande zombi zishinjanya kurenga ku myanzuro yo guhagarika imirwano.
Umutwe wa M23 kuri uyu wa Gatatu wazindutse uvuga ko FARDC yawugabyeho ibitero mu birindiro byawo mu gitondo cya kare.
Umwe mu bakurikiranira hafi uru rugamba avuga ko iyi mirwano yaranzwe no kongera gukozanyaho gukomeye, yasize umutwe wa M23 ugenzura umujyi wa Kitoroshe ndetse n’umuhanda wa Minova Goma, uri mu mihanda ifatiye runini urujya n’uruza aka gace.
Uyu kandi yavuze ko “FARDC n’abambari bayo bahunze. Ese amaherezo baba bagiye guhungira mu Rwanda.”
Uru rugamba rwogeye gukara nyuma yuko umutwe wa M23 kuri uyu wa Kabiri tariki 07 Werurwe 2023 ushyize hanze itangazo uvuga ko uhagaritse imirwano ku mugaragaro mu rwego rwo kubahiriza imyanzuro yafashwe.
Gusa ni icyemezo kitamaze n’amasaha abiri kuko nyuma y’isaha imwe gusa M23 itangaje ibi, imirwano yahise yongera kubura ndetse yongera kubyukana ingoga.
RWANDATRIBUNE.COM
