FDLR:Gen Omega akomeje guhabwa inkwenene ku gitero cya gisilikare cyagabwe ku nka muri Rubavu

Kuva aho Gen Omega asimbuye Gen.Mudacumura wishwe na FARDC ngo nicyo gitero yari yiteguriye nka Jenerali,intambara ayishoza ku nka z’umuturage

Benshi mu bafatanyabikorwa ba FDLR bifashe k’umunwa ubwo bunvaga izi nyeshyamba zagabye igitero mu Karere ka Rubavu,Umurenge wa Bugeshi,iki gitero kikaba cyarahitanye inka 1 izindi 4 zigakomereka,Gen Omega usanzwe utari ufitiwe icyizere n’abo ayobora batangira kumuha inkwenene.

Nkuko isoko y’amakuru ya Rwandatribune,iri ahitwa Tongo,muri Teritwari ya Rutscuro ibivuga,n’uko kuva ahi FDLR igabye igitero mu Rwanda cyikica inka,byabuye ikuzo Gen.Ntawunguka Omega ukuriye izi nyeshyamba na Col.Ruvugayimikore Ruhinda ukuriye Umutwe wa CRAP ushinzwe kwica no gusahura muri FDLR.

Umwe mu begereye Gen Kolomboka wungirije Omega k’ubuyobozi bwa FOCA yabwiye isoko y’amakuru yacu ko yiyumvishirije Gen Uzabakiriho Cyprien uzwi nka Niyo Tedeum Kolomboka,avugana na Gen Nzabamwita Karume ,aho yashinjaga ubujiji Gen.Omega na Komanda wa CRAP,akavuga ko aria bantu basize inyungu zabo imbere aho gukunda urugaga rwa FDLR.

Mu bindi uyu Gen Tedeum yavugaga yashinjaga Gen Omega ubuhubutsi amaranye igihe kirekire ,ndetse akaba abusazanye,ati:nta kindi cyabasize ku gitutu cyo kujya mu Rwanda,mu ntambara itagira intego n’amafaranga bahabwa n’abanyaburayi yahagaze bakaba bashaka kwerekana ko bagikomeye.

Benshi mu babaye muri iyi mitwe babwiye Rwandatribune ko udutero shuma twagiye dutegurwa na RUD URUNANA,FDLR na FLN tugenda duturuka ku gitutu cya bamwe mu  banyarwanda basize bakoze ibyaha bya Jenoside mu Rwanda,aho babashuka ngo mutere turabaha amafaranga y’inkunga,bakabikora babishuza ngo kereka mu giye mu gafata ahangana na Komine,bikaguma bityo iyi mitwe igakomeza ihatakariza abandi bari kwirira amafiriti n’imireti iBurayi.

Mu kiganiro yagiranye n’abaturage ba Bugeshi ho mu Karere ka Rubavu,Umuyobozi w’ibikorwa muri Diviziyo ya II y’ingabo z’uRwanda,zikorera mu ntara y’uburasirazuba Col Andrew Nyamvumba yahaye abaturage ubutumwa bw’ihumure,aho yagize ati:FDLR tuzi aho iri iyi fagitire izayishyura,umwanzi wacu yerekanye ko ariho,yasoje avuga ko kuba FDLR irikwibasira inka,nuko ibyo yabeshyaga ko izafata igihugu byayinaniye.

Mwizerwa Ally