Ikipe y’igihugu ya Espagne n’iya Argentine zigeze ku mukino wa nyuma w’igikimbe cy’isi mu mukino wa Basketball.
Kuva ku itariki ya 31 Kanama 2019 mu Bushinwa hakomeje kubera imikino yanyuma yo guhatanira igikombe cy’isi cya Basketball, aho kuri uyu wa gatanu imikino yari igeze muri ½ cy’irangijza.
Amakipe azakina umukino wa nyuma ni Espagne yasezereye Australia, naho Argentina isezerera ikipe y’ubufaransa.
Umukino wa mbere wa ½ wari umukino w’ishiraniro kuko Espagne yageze ku mukino wanyuma itsinze Australia amanota 95-88 bigoranye kuko byasabye ko amakipe yombi ahabwa iminota 5 y’inyongera inshuro 2 ku iminota 40 y’umukino yagenwe yarangiye anganya yombi amanota 71-71.
Ibi byatumye hifashishwa iminota itanu y’inyongera maze mu minota 5 yambere amakipe yombi astindamo amanota 9 maze banganya 80-80.
Agace ka nyuma k’iminota 5 ikipe ya Espagne yagarutse ikora ikinyuranyo kuko yatsinzemo amanota 15 naho Australia itsindamo amanota 8 gusa bityo Espagne yegukana intsinzi.
Mu mukino wa kabiri wa ½ ikipe ya Argentine yageze ku mukino wanyuma isezereye Ubufaransa amanota 80 kuri 66.
Ni umukino ikipe ya Argentina yarushije cyane Ubufaranza kuko nta gace na kamwe iyi kipe yihariye mu duce 4 twose tw’umukino.
Agace ka mbere karangiye Argentina istinze amanota 21 kuri 18 y’ubufaransa, mu gace ka 2 itsinda amanota 18 kuri 14, mu gace ka 3 iyitsinda 21 kuri 16 naho agace ka nyuma Argentine yatsinze amanota 20 kuri 18, bityo Argentine yerekeza ku mukino wanyuma.
Ikipe y’igihigu ya Espagne yageze muri ½ isezereye Poland iyitsinze amanota 90 kuri 78 muri ¼ nyuma yo kuzamuka mu itsinda C ari iya 1 n’amanota 6.
Argentine yageze muri ½ isezereye Serbia muri ¼ ku manota 97-87 dore ko yari yazamutse mu itsinda I iri ku mwanya wa 1 n’amanota 10. Ni ku nshuro ya 2 ikipe ya Espagne igiye gukina umukino wanyuma ihatanira iki gikombe naho Argentina ni kunshuro ya 3.
Christian Hakorimana
