Gen Brig Gaby Boswane uyobora ibikorwa bya gisirikare muri kivu y’Amajyepfo (Sokola 2)akomeje gutanga amahirwe ya nyuma ku barwanyi b’imitwe yitwaje intwaro ikorera muri aka karere cyane cyane mu bice bya Minembwe na Fizi aho FARDC igiye gukariza ibikorwa birwanya iyi mitwe mu minsi iri imbere.
Nk’uko byatangajwe na Cpt Dieudonné Kasereka, umuvugizi w’Ingabo za Congo FARDC muri operasiyo yiswe Sokola 2 mu kiganiro yagiranye na Rwandatribune ,yagize ati:ibi umuyobozi w’ubu butumwa bwa gisirikare yabitangaje ubwo yagiranaga inama y’igitaraganya n’abasirikare bagize Brigade ya 12 ikorera mu gace ka Fizi.
Dieudonné Kasereka avuga ko mu gace ka Fizi ingabo za Congo zirimo gukora ubukangurambaga mu miryango y’abarwanyi, aho basabwa kwinginga abo barwanyi gushyira intwaro hasi ibintu bitarababana bibi.
Ingabo kandi zagiriye inama abatuye Minembwe zirimo kwimakaza ibibahuza kuruta guha agaciro ibibatanya birimo n’amakimbirane ashingiye ku moko akomeje kuyogoza aka gace.
Brg Gen Gaby Boswane yasezeranyije abaturage ko umusirikare uzahungabanya umutekano w’umuturage azabibazwa, ari naho yahereye abasaba gushyigikira ibikorwa ingabo zatangije byo kugarura amahoro muri aka gace k’igihugu kazahajwe n’imitwe yitwara gisirikare.
Shamukiga Kambale
(Ultram)
