FLN irota intambara ikayirotorera Chantal Mutega na Hakizimana Felicien nka za Filimi z aba Chick Nolis na Rambo
Nyungwe,Nyabimata,Bweyeye ni icyo kiganiro kuri youtube ya Radio Ubwiyunge ikorera kuri murandasi,ubunyamwuga buke nicyo kiranga abiyita abanyamakuru ba Radio Ubwiyunge.
Nta munsi udashira uwitwa Chantal Mutega na Hategekimana Felicien,badahwema kuvuga intambara muri ibyo bice mu gihe abaturage baho bakomeje urugamba rwo kwiteza imbere,bakifashisha uwiyise umuvugizi wa FLN witwa Lt.Tambula.
Aba banyamakuru kandi bifashisha amajwi y’Abarundi bavuga ko bari mu Komini Mugina,mu Ntara ya Cibitoki,bunvise amasasu ndetse n’amabombe,abasesenguzi bibaza uburyo abo mu Burundi basobanura umutekano muke uri mu Rwanda kandi muri ibyo bice bya Bweyeye hari abaturage bagombye kwisobanurira uwo mutekano mucye uharangwa.
Tugarutse kuri Liyetona Irambona Tambula,ibyo asobanura ababaye mu gisilikare basanga ari umusivile bategurira ibyo aza kuvuga kuko,yivugira ko ari ku rugamba kandi,uwahoze ari Umuvugizi wa FLN Maj,Nsabimana Sankara yabwiye urukiko ko Umuvugizi wa FLN ntaho ahurira n’imirwano ko Ubuyobozi bwa FLN bumutegurira ibyo aza gusobanurira itangazamakuru,ibyo bihabanye n’ukuri by’ibyo Lt.Tambura abeshyabeshya.
Abasesenguzi kandi bakomeza bavuga ko uyu Liyetena Tambula atazi n’inyito z’ibikoresho bya gusilikare urugero ni aho avuga ko FLN yahanganye n’ingabo za RDF zaje zitwaje imbunda za(Trepied)nyamara abazi iby’imbunda bavuga ko nta mbunda yitwa Trepied ibaho,ahubwo Trepied ari amaguru baterekaho imbunda!
Umururumba gushakisha amafaranga mu mpunzi z’abanyarwanda niyo ntandaro gupfundikanya kwa Mutega Chantal na Hategekimana Felicien
Kenshi abazi iby’intambara bavuga ko hari ibintu bifatika biranga intambara,impunzi z’iyo ntambara,ibyangirijwe n’izo ntambara cyane nk’ibikorwa remezo,ibyatwitswe se,cyangwa ingwate z’intambara ikindi uyu mutwe wigamba gufata bimwe mu bice bya Bweyeye ese uwazana itangazamakuru baryereka aho bagenzura,ibyo byose byerekana ko ari ubutekamutwe Hategekimana Felicien na Chantal Mutega bashaka gutuburira impunzi .
Si ubwa mbere aho uyu Hategekimana Felicien agiye yitwaza imitwe y’abarwanyi nka FLN na FDLR,aho yirirwa ashakisha amafaranga avuga ko agiye gufasha urugamba akayirira,kugeza ubwo ikinyamakuru cya FDLR cyatanze impuruza ku mpunzi z’abanyarwanda baba muri Kameruni.
Mwizerwa Ally
