Umuyobozi W’ishyaka DALFA Umurinzi ,Ingabire Victoire Umuhoza ,atangaza ko gahunda yari afite ku rwego rw’igihugu rushinzwe Ubugenzacyaha (RIB) yasubitwse bitewe n’uko arwaye.
Ingabire abinyujije ku konti ye ya Twitter kuwa 18 Ukwakira ,yavuze ko RIB yamusabye kuyitaba kuri uyu wa kabiri tariki ya 19 Ukwakira ati”Nasabwe kujya kuri RIB EJO Kuwa19 ukwakira 2021 saa tatu n’igicce za mu gitondo ko nzaba ndiyo.”
Kuri uyu wa 19 Ukwakira ariko Ingabire yatangajeko gahunda yari afite kuri RIB yasubitwe bitewe n’uko arwaye ibicurane kuri Twitter ati ‘Gahunda yo muri RIB Irasubitswe kuberako ndwaye ibicurane ,izasubukurwa mu munsi iri imbere.
Ku wa mbere ariko Ingabire ntiyasobanuye icyo RIB yamuhamagariye ,gusa Umuvugizi w’uru rwego Dr Murangira B Thierry yavuze ko ihamagazwa rye rishingiye ku Iperereza riri gukorwa kuri Nyiri Televiziyo ikorera kuri YOU Tube ya Umubavu TV N’Abandi bantu umunani.
Aba barimo Nsengimana Theoneste batawe muri yombi mu cyumweru gishize bakurikiranweho ibyaha byo gutangaza amakuru y’ibihuha agamije guteza imvururru n’Imidugararo muri rubanda.
Abatawe muri yombi kuri ubu bari kuri sitasiyo ya RIB Ya Remera na Kicikirona , mu gihe Iperereza rigikomeje no kugirango dosiye yabo iri gukorwa ishyikirizwe Ubishinjacyaha.
Ingabire Victoire mu cyumweru gishize yavuze ko mu batawe muri yombi harimo abayoboke b’ishyaka rye rya DALFA Umurinzi n’inshuti ze bwite ,gusa akavuga ko atazi impamvu ziri inyuma y’inkundura yo kubata muri yombi.
Uwineza Adeline
