Lt.gen Ndima Costa mu gihe agihatwa ibibazo n’ikigo cy’ubutasi DEMIAP yaba asimbujwe na Gen.Maj Ychaligonza
Nyuma yo gutumwaho iKinshasa Lt.Gen Ndima Consta ngo ahatwe ibibazo ku mfu z’abaturage biciwe mu myigaragambyo I Goma ubu Gen.Maj Jeacques NDURU YCHALIGONZA niwe uramutswa Intara ya Kivu y’amajyaruguru.
Mu butumwa dukesha Umuvugizi wa FARDC muri Operasiyo Zokola II Lt.Col Ndjike Kaiko buvuga ko nyuma y’uko Ubuyobozi bw’ikigo cy’ubutasi DEMIAP butumijeho igitaraganya uwari Guverineri wa Kivu y’amajyaruguru Lt.Gen Ndima Consta Kongba ngo ahatwe ibibazo ku bijyanye n’abaturage barenga 46 baherutse kwicirwa mu mujyi wa Goma mu myigaragambyo ,ubuyobozi bwa Congo-Kinshasa bwabaye busizeho Gen.Ychaligonza ku mwanya wa Guverineri w’iyo ntara.
Gen.Maj Jeacques NDURU YCHALIGONZA asanzwe avuka mu Ntara ya Ituri akaba amaze igihe ahawe inshingano zo kuyobora ibikorwa bya gisilikare mu Ntara ya Kivu y’amajyaruguru,kubazi Gen.Maj Ychaligonza azwi nk’umugabo ucisha make,kugeza ubu nta ruhande rudafite aho rubogamiye rwari rwemeza aya makuru,twashatse kumenya ibyo uruhande rwa Leta ya Congo rubivugaho,duhamagara Umuvugizi wa Leta ya Congo Bwana Patrick Muyaya kuri telephone ye ngendanwa ntiyayitaba,kugeza ubwo twandikaga iyi nkuru.
Kuva aho mu mujyi wa Goma habereye imyigaragambyo yasize abarenga 46 biciwe muri ibyo bikorwa by’ubugizi bwa nabi abayobozi ba gisilikare bakomeje gutabwa muri yombi bashinjwa gutanga amabwiriza yo kwica abasivile.
Uwineza Adeline.
