Brig Gen Byamungu Maheshe Bernard yagizwe Umugaba Mukuru Wungirije w’umutwe wa M23, akaba yungirije Gen Sultan Makenga umaze igihe ari we Mugaba Mukuru w’uyu mutwe.
Brig Gen Byamungu Maheshe Bernard yahawe uyu mwanya nyuma yo kuzamurwa mu mapeti kuri uyu wa Gatanu tariki 13 Mutarama 2023 nkuko bikubiye itangazo ryashyizwe hanze kuri uyu munsi.
Uyu musirikare wahawe inshingano muri M23, ni umwe mu bagize uruhare rukomeye mu kuyobora ibikorwa bya gisirikare byo gukubita inshuro FARDC muri Terirwa za Rutshuru.
Muri iyi Teritwari, ni ho M23 yagaragarije ko ari umutwe utisukirwa kuko ibitero byose byagabwaga na FARDC ifatanyije n’imitwe nka FDLR, babisubizaga inyuma ndetse bikanatuma bafata ibice bimwe muri iyi Teritwari.
Brig Gen Byamungu Maheshe Bernard yasanze abarwanyi ba M23 muri Nzeri umwaka ushize, dore ko yari acungishijwe ijisho mu Mujyi wa Kinshasa aho yahozwagaho uburinzi budasanzwe nkuko byari byarategetswe nyuma yuko afunguwe muri 2019.
Uyu musirikare yazamuwe hamwe na Mboneza Yusufu na we wahawe ipeti rya Brigadier General.
Ni icyemezo cyafashwe n’ubuyobozi bwa M23 mu rwego rwo gukomeza guha imbaraga ubuyobozi bw’igisirikare cy’uyu mutwe.
RWANDATRIBUNE.COM
