Lt Gen Muhoozi Kainerugaba umuhungu w’imfura wa Perezida Museveni wari umugaba w’umutwe urinda umukuru w’igihugu yagizwe umugaba mukuru w’ingabo zirwanira ku butaka(UPDF Land Commander.
Nkuko itangazo rya UPDF ribigaragaza, Lt Gen Muhoozi Kainerugaba asimbuwe kuri uyu mwanya Lt Gen Peter Elwelu Wai kuri uwo mwanya kuva muri Mutarama 2017.
Gen Muhoozi yari asanzwe ayoboye umutwe w’ingabo udasanzwe(Special Forces Commander) ufite inshingano zirimo n’izo kurinda umukuru w’igihugu.
Gen Muhoozi ku mwanya w’umugaba mukuru w’ingabo zirwanira ku butaka azungirizwa na Maj Gen Sam Okiding.
Mu bandi basirikare bashyizwe mu myana n’abazamuwe mu ntera na Gen Museveni ari nawe mugaba mukuru w’ikirenga wa UPDF barimo:LT Gen Wilson Mbasu Mbadi wazamuwe mu ntera akagirwa General anagirwa umugaba mukrur w’ingabo za Uganda (CDF),Lt Gen Peter Elwelu wazamuwe mu ntera akagirwa General, yanahise ahabwa inshingano zo kuba umugaba mukuru wungirije w’Ingabo za Uganda.
Gen David Muhoozi wari umugaba mukuru w’ingabo za Uganda yashyizwe muri Guverinima aho yagizwe Minisitiri w’umutekano.
Maj Gen Leopold Eric Kyanda wigeze kuba umugaba mukuru w’ingabo zirwanira ku butaka , yagizwe umuyobozi mu biro bikuru by’umugaba w’ingabo.
Brg Gen Peter Chandia niwe wasimbuye Lt Gen Kainerugaba ku mwanya w’umugaba w’umutwe udasanzwe SFC .
