Sosiyete Sivile yo muri Kivu y’amajyaruguru yari iherutse kwandikira umuyobozi w’umujyi wa Goma bamusaba uruhushya rwo gukora imyigara mu mahoro yo kwamagana ingabo z’umuryango w’Afurika y’iburasirazuba na MONUSCO , gusa biranugwanugwa ko iyi myigaragambyo izaba kuri uyu wa gatatu no kuwa Kane.
Iyi myigaragambyo yateguwe na Sosiyete Sivile bivugwa ko igomba gutangira k’umunsi w’ejo kuwa 18 Mutarama ikazamara iminsi ibiri. Intego y’iyi myigaragambyo ngo ni ukwamagana Ingabo z’Afurika y’iburasirazuba ziri muri iki gihugu hamwe na MONUSCO babashinja ko ntacyo bakoze ngo barase inyeshyamba za M23.
Iyi myigaragambyo iteguwe ikurikira imyigaragambyo yamaze igihe kitari gito mu mpera z’umwaka ushize, ubwo abanye Congo bamaganaga MONUSCO, ni imyigaragambyo yanaguyemo bamwe mu bakozi b’umuryango w’Abibumbye bari muri iki gihugu.
N’ubwo bimeze gutya ariko ngo hari abatari bumvise neza ubutumwa bwa Sosiyete Sivile bajya kwigaragambya mbere ndetse bahabwa ukuri n’izi ngabo za EAC ziri muri iki gihugu, hanyuma basubira iwabo ntacyo bakoze.
Abanye congo ni bamwe mubantu bakunze kwigaragambya cyane, ariko bakaba babikora bohejwe na bamwe mu banyapolitiki bo muri iki gihugu babikora kubera impamvu z’inyungu zabo bwite, abaturage nabo ntibabashe gushungura.
Umuhoza Yves
